«Վրացական երազանքը» ներկայացրել է նախընտրական ցուցակի քսանյակին, առաջին համարը լինելու է Իվանիշվիլին

Նախընտրական ցուցակի երրորդ համարը կլինի նախկին վարչապետ, «Վրացական երազանքի» նախագահ Իրակլի Ղարիբաշվիլին։ Ցուցակի տասնյակում  են հայտնվել Օլիմպիական խաղերի չեմպիոններ՝ ծանրորդ Լաշա Տալախաձեն և ըմբիշ Գենո Պետրիաշվիլին։

Իրակլի Կոբախիձեի ներկայացրած «Վրացական երազանքի» ընտրական ցուցակի քսանյակը հետևյալն է.

1. Բիձինա Իվանիշվիլի - «Վրացական երազանքի» պատվավոր նախագահ,
2. Իրակլի Կոբախիձե - վարչապետ,
3. Իրակլի Ղարիբաշվիլի - «Վրացական երազանքի» նախագահ,
4. Շալվա Պապուաշվիլի - խորհրդարանի նախագահ,
5. Մամուկա Մդինարաձե - «Վրացական երազանքի» գործադիր քարտուղար,
6. Թեա Ծուլուկիանի - մշակույթի և սպորտի նախարար,
7. Լաշա Տալախաձե - ծանրորդ,
8. Վախթանգ Թուրնավա - գործարար,
9. Մակա Բոճորիշվիլի - Խորհրդարանի Եվրոպական ինտեգրման հանձնաժողովի նախագահ,
10. Գենո Պետրիաշվիլի - ըմբիշ,
11. Սոզար Սուբարի - «Ժողովրդի ուժի» պատգամավոր, խորհրդարանական մեծամասնության անդամ,
12. Մարիամ Քվրիվիշվիլի - էկոնոմիկայի և կայուն զարգացման փոխնախարար,
13. Անրի Օխանաշվիլի - Խորհրդարանի իրավական հանձնաժողովի նախագահ,
14. Նիկոլոզ Սամխարաձե - Խորհրդարանի արտաքին հարաբերությունների հանձնաժողովի նախագահ,
15. Էկա Ճիճինաձե - Կին նկարիչների միջազգային ասոցիացիայի փոխնախագահ,
16. Շոթա Բերեկաշվիլի - գործարար, «ԲԿ Հոլդինգ» ՍՊԸ-ի սեփականատեր, Ռուսաստանի և Վրաստանի երկքաղաքացի,
17. Լևան Մախաշվիլի - եվրոպական գիտությունների դոկտոր,
18. Միխեիլ Կավելաշվիլի - «Ժողովրդի ուժի» պատգամավոր, խորհրդարանական մեծամասնության անդամ,
19. Գիորգի Գաբունիա - փաստաբան,
20. Լիկա Շարտավա - Ժյուլի Շարտավայի թոռնուհին, հոգեբան, հասարակայնության հետ կապերի մասնագետ։

Հոկտեմբերի 26-ին կայանալիք խորհրդարանական ընտրությունները կանցկացվեն 5 տոկոսային ընտրական շեմով։ Կուսակցությունների մեծ մասը պատրաստվում է ընտրություններին մասնակցել միասնական ցուցակով։ Ընտրողները համամասնական ընտրակարգով չորս տարի ժամկետով կընտրեն Վրաստանի խորհրդարանի 150 պատգամավորի։