Խորհրդարանական ընտրություններից առաջ իշխող «Վրացական երազանք» կուսակցությունը պատրաստվում է համաներում հայտարարել։ Վարչապետ Իրակլի Կոբախիձեն այսօր խորհրդարանում իր տարեկան զեկույցի ժամանակ ասել է, որ համաներման մասին օրենքը կնախաձեռնվի առաջիկա մի քանի օրվա ընթացքում, և դրա ընդունումը «լուրջ ներդրում կունենա» բանտարկյալների թվի կրճատման գործում։
Լրահոս
Ընթերցողի ընտրանի
- 1 Ռուսաստանից ավելացած ներմուծումն ու թափված կարտոֆիլի բլրակները Ջավախքում
- 2 Տագնապի ազդանշան Դարիալում․ անցակետի բոլոր աշխատակիցները տարհանվել են
- 3 Հուլիսից ուսուցիչների աշխատավարձը կբարձրանա
- 4 Գազային զենք ձեռք բերելու համար անհրաժեշտ կլինի ՆԳ նախարարության համաձայնությունը
- 5 Վրաց ժողովուրդը պայքարում է եվրոպական ապագայի համար, նա չպետք է պատժվի. Զուրաբիշվիլի
- 6 ԱՄՆ-ը կարող է վերանայել Վրաստանին տրամադրվող ֆինանսական օգնության չափը
«Վրաստանի Քրեական օրենսգրքի համապատասխան հոդվածների ու կետերի ցանկը, որոնք կարող են կապված լինել համաներման կանոնով անձանց ազատ արձակման հետ, արդեն կազմվել է։ Մոտ օրերս նախատեսում ենք նախաձեռնել համապատասխան օրինագիծը։ Հավանաբար, մենք պետք է խոսենք հուլիսին կայանալիք արտահերթ նիստում, որտեղ կքննարկվեն հարցերը։ Հուլիսին այս օրենքի նախագիծը հնարավոր կլինի ընդունել առաջին ընթերցմամբ, որպեսզի սեպտեմբերին համաներման մասին օրենքի ընդունումը ավարտվի երեք ընթերցմամբ»,- ասել է Իրակլի Կոբախիձեն, ում այս թեմայի վերաբերյալ հարց է տվել «Գիրչիի» անդամ Հերման Սաբոն։
Այսօր քրեակատարողական հիմնարկներում կա մոտ 10 հազար բանտարկյալ, որոնք, ըստ Կոբախիձեի, «օպտիմալ տվյալներ չեն»։
«Կարևոր է մոտ ապագայում զգալիորեն կրճատել բանտարկյալների թիվը՝ եվրոպական օպտիմալ ցուցանիշին մոտենալու համար։ Ցանկալի կլիներ նվազագույնը 1/3-ով կրճատել բանտարկյալների թիվը, և կարծում ենք, որ համաներման մասին օրենքը, որը պատրաստվել է, լուրջ ներդրում կունենա այս նպատակին հասնելու գործում»,- ասել է վարչապետը։
Իրակլի Կոբախիձեն դիմել է «Գիրչիի» անդամներին, որ համաներման մասին օրենքը քննարկելիս կփորձեն հնարավորինս հաշվի առնել նրանց ներկայացրած կարծիքները։
Խորհրդարանական ընտրությունները տեղի կունենան հոկտեմբերի 26-ին։
