საპარლამენტო არჩევნების წინ, მმართველი პარტია „ქართული ოცნება“ ამნისტიის გამოცხადებას აპირებს. დღეს, პარლამენტში ყოველწლიური მოხსენებით გამოსვლისას, პრემიერ-მინისტრმა ირაკლი კობახიძემ განაცხადა, რომ ამნისტიის კანონი უახლოეს დღეებში დაინიცირდება და მისი მიღება „სერიოზულ წვლილს შეიტანს“ პატიმართა რაოდენობის შემცირებაში.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„უკვე არის შედგენილი შესაბამისი მუხლების, პუნქტების სია საქართველოს სისხლის სამართლის კოდექსიდან, რომელიც შესაძლოა, უკავშირდებოდეს ამნისტიის წესით პირთა გათავისუფლებას. ჩვენ დაგეგმილი გვაქვს, რომ უახლოეს დღეებში დავაინიციროთ შესაბამისი კანონპროექტი. ალბათ, ივლისში რიგგარეშე სესიაზე საუბარი მოგვიწევს, სადაც საკითხები იქნება განსახილველი. ივლისში შესაძლებელი იქნება პირველი მოსმენით ამ კანონპროექტის მიღება ისე, რომ სექტემბერში სამი მოსმენით დასრულდეს ამნისტიის კანონის მიღება“, - განაცხადა ირაკლი კობახიძემ, რომელსაც ამ საკითხზე შეკითხვა „გირჩის“ წევრმა, ჰერმან საბომ დაუსვა.
დღეს სასჯელაღსრულების დაწესებულებებში 10 ათასამდე პატიმარია, რაც კობახიძის თქმით, „ოპტიმალური მონაცემები არ არის“
„მნიშვნელოვანია, რომ ახლო მომავალში მნიშვნელოვნად შემცირდეს პატიმართა რაოდენობა იმისთვის, რომ დავუახლოვდეთ ოპტიმალურ ევროპულ მაჩვენებელს. სასურველი იქნებოდა, დაახლოებით, მინიმუმ 1/3-ით პატიმართა შემცირება და ვფიქრობთ, რომ ამნისტიის კანონი, რომელიც მომზადებულია, ამ მიზნის მიღწევაში სერიოზულ წვლილს შეიტანს“, - განაცხადა პრემიერ-მინისტრმა.
ირაკლი კობახიძემ „გირჩის“ წევრებს მიმართა, რომ ამნისტიის შესახებ კანონის განხილვისას, მათ მიერ წარდგენილი მოსაზრებების მაქსიმალურად გათვალისწინებას შეეცდებიან.
საპარლამენტო არჩევნები 26 ოქტომბერს არის დაგეგმილი.
