«Վրացական երազանքի» խորհրդարանը սատարել է Միխեիլ Կավելաշվիլիի առաջադրած թեկնածուներին` Ազգային բանկի խորհրդի չորս թափուր պաշտոնները զբաղեցնելու համար։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Ալիևը Հայաստանը անվանել է «ֆաշիստական պետություն» և ասել, որ «ֆաշիզմը պետք է ոչնչացվի»
- 4 Թրամփը առավելագույն ճնշում է գործադրելու Իրանի և Իրանի դաշնակից Իվանիշվիլիի ռեժիմի վրա․ Ուիլսոն
- 5 Բաթումիում խմբով հարձակվել են Գիորգի Գախարիայի վրա
- 6 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
Ազգային բանկի խորհրդի անդամներն ընտրվում են խորհրդարանի կողմից՝ Վրաստանի նախագահի առաջարկությամբ։ 7 տարի ժամկետով այս պաշտոնը կզբաղեցնեն.
- Օթար Շամուգիա - շրջակա միջավայրի պահպանության և գյուղատնտեսության նախկին նախարար,
- Վախթանգ Բուրկիաշվիլի - Վրաստանի Ազգային բանկի գործադիր տնօրեն,
- Նինո Ջելաձե - Վրաստանի Ազգային բանկի վերահսկողական քաղաքականության դեպարտամենտի ղեկավար,
- Լևան Ձնելաձե - Ազգային բանկի դրամարկղային գործառնությունների և դրամական շրջանառության վարչության պետ։
Քվեարկությունից հետո ոչ լեգիտիմ խորհրդարանի նախագահ Շալվա Պապուաշվիլին հայտարարել է, որ սաբոտաժը վերջացել է, և Ազգային բանկը կվերսկսի իր գործունեությունը ամբողջ կազմով։
«Ավելի քան մեկուկես տարի նախկին նախագահ Զուրաբիշվիլիի սաբոտաժի պատճառով մենք չէինք կարողանում համալրել Ազգային բանկի խորհուրդը, և Ազգային բանկը ստիպված էր գործել ինը անդամներից հինգով։ Կարևոր է, որ հոկտեմբերի 26-ի և նախագահական ընտրությունների արդյունքում մենք կարողացանք վերջ տալ սաբոտաժներին, և Ազգային բանկը այժմ կշարունակի իր գործունեությունը իր ամբողջ կազմով»,- ասել է Պապուաշվիլին։
Ազգային բանկի խորհրդի թափուր աշխատատեղերը առաջացան 2023 թվականին, երբ բանկի փոխնախագահներ Նիկոլոզ Գագուան, Արչիլ Մեստվիրիշվիլին և Պապունա Լեժավան լքեցին խորհուրդը սեպտեմբերին, իսկ դեկտեմբերին ավարտվեց Ռիչարդ Սինգլետարիի լիազորությունների ժամկետը։
Խորհրդից երեք անդամները հեռացան Ազգային բանկի նախագահի պաշտոնակատար Նաթիա Տուրնավայի՝ պատժամիջոցների կիրառման կանոնները փոխելուց հետո։ Վրաստանի նախկին գլխավոր դատախազ Օթար Փարցխալաձեի դեմ ԱՄՆ պատժամիջոցներից հետո Վրաստանի Ազգային բանկը բացառություն է արել և այլևս չի պարտադրում առևտրային բանկերին պատժամիջոցներ կիրառել Վրաստանի քաղաքացու նկատմամբ, «եթե վրացական դատարանը նրա դեմ համապատասխան գործով մեղադրական դատավճիռ չի կայացրել»։
2024 թվականին նախագահ Սալոմե Զուրաբիշվիլին Ազգային բանկի խորհրդի անդամ ընտրվելու համար խորհրդարանին է ներկայացրել Էկատերինե Ղազաձեի թեկնածությունը, սակայն օրենսդիր մարմինը հրաժարվել է քննարկել այդ հարցը՝ պատճառաբանելով, որ Զուրաբիշվիլին չորս թեկնածուներին էլ չի առաջադրել։
Այսօր Ազգային բանկի խորհրդի կազմում են՝ Նաթիա Տուրնավան, Էկատերինե Միքաբաձեն, Էկատերինե Գալդավան, Թեյմուրազ Խոմերիկին, Նանա Կեինիշվիլին, Օթար Շամուգիան, Նինո Ջելաձեն, Վախթանգ Բուրկիաշվիլին և Լևան Ձնելաձեն:
