Եվրախորհրդարանի պատգամավորներն արձագանքել են «Վրացական երազանքի» հերթական փորձին՝ ընդունելու այսպես կոչված «օտարերկրյա գործակալների» մասին ռուսական օրենքը և կոչ է անում Եվրահանձնաժողովին հետևել, թե արդյոք Վրաստանի իշխանությունների նման որոշումները համապատասխանում են թեկնածու երկրի կարգավիճակին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
«Օտարերկրյա գործակալների թափանցիկության կամ «օտարերկրյա ազդեցության» մասին օրենքը անհամատեղելի է Եվրամիության արժեքների, ժողովրդավարական սկզբունքների հետ և հակասում է Եվրամիությանն անդամակցելու Վրաստանի հավակնություններին։
Մենք կոչ ենք անում վրացական իշխանություններին պահպանել ԵՄ պրակտիկան քաղաքացիական հասարակության կազմակերպությունների, ներառյալ լրատվամիջոցների, թափանցիկության և հաշվետվողականության վերաբերյալ, և ոչ թե Ռուսաստանին և ավտորիտար այլ պետություններին, որոնք նպատակ ունեն վերահսկել, ճնշել և, ի վերջո, ոչնչացնել քաղաքացիական հասարակությունը և ազատ լրատվամիջոցները:
Միջին հաշվով, Եվրամիությունը Վրաստանին տարեկան ավելի քան 100 միլիոն եվրոյի տեխնիկական և ֆինանսական օգնություն է տրամադրում։ Մեր օգնությունը նպատակաուղղված է օգնելու Վրաստանին իրականացնել հիմնական եվրոպամետ բարեփոխումները, ներառյալ վրաց ժողովրդի կյանքը բարելավելը, բիզնեսներին աջակցելը, տնտեսական զարգացման խթանումը, ենթակառուցվածքների կառուցումը և որակյալ հանրային ծառայությունների մատուցումը: «Օտարերկրյա գործակալների» կամ «Օտարերկրյա ազդեցության թափանցիկության» օրենքը վրացական քաղաքացիական հասարակության դերակատարներին կպիտակավորի «օտարերկրյա գործակալներ» և «պետության թշնամիներ», եթե նրանք ստանան ԵՄ-ի նման ֆինանսավորում, ինչը որ Վրաստանի կառավարությունը ստանում է նույն գործողությունների համար:
Մենք նաև կոչ ենք անում Եվրոպական հանձնաժողովին հետևել, թե արդյոք Վրաստանի իշխանությունների նման որոշումները համապատասխանում են թեկնածու երկրի կարգավիճակին և ժամանակին գնահատական տալ։ Մենք հասկանում և սատարում ենք այն փաստը, որ Վրաստանի՝ Եվրամիությանն անդամակցելու հետընթաց գործընթացի դեպքում Եվրահանձնաժողովը կարող է ստիպված լինել վերադառնալ ընդլայնման գործընթացի սկզբնական դիրքերին»,- ասել են Եվրախորհրդարանի պատգամավորները։
Ինչպես նշվում է նրանց հայտարարության մեջ, Վրաստանը ԵՄ թեկնածուի կարգավիճակ է ստացել 2023 թվականի դեկտեմբերին՝ պայմանով, որ Եվրահանձնաժողովի կողմից տրված հանձնարարականները կկատարվեն, իսկ «օտարերկրյա գործակալների» մասին օրենքը խախտում է այդ առաջարկություններից առնվազն երկուսը. իններորդ հանձնարարականը ներառում է հանձնարարական, որ Վրաստանն ապահովի քաղաքացիական հասարակության ազատ գործունեությունը, և առաջինը՝ կոչ է անում նրան դիմակայել ԵՄ-ի և նրա արժեքների դեմ ուղղված ապատեղեկատվությանը։
Հայտարարությունը ստորագրել են Պետրաս Ավստրևիչուսը, Միրիամ Լեքսմանը, Սվեն Միկսերը, Վիոլա ֆոն Կրամոնը, Աննա Ֆոտիգան, Անդրիուս Կուբիլիուսը, Կարին Կալսբրոն, Ֆրանսուա Տիոլետը, Կատալին Չեն, Աննա Ջուլիա Դոնաթը, Անդրեյ Կովաչևը, Հիլդե Վուտմանսը, Միխայելա Գալերարդ Ռաոիդովան Բուտիկոֆերը, Ռամոնա Ստրուգարիուն, Ժոզեֆ Միհալը, Մարեկ Պավել Բալտին, Ռասա Յուկնևիչենեն, Աթիլա Արա-Կովաչը, Նաչո Սանչես Ամորը, Իզաբել Սանտոշը:
