Ռուսաստանի կողմից օկուպացված Ցխինվալիի շրջանի դե ֆակտո նախագահ Ալան Գագլոևի կարծիքով՝ Ռուսաստան-Բելառուս միութենական պետությանը միանալը «Հարավային Օսիայի» համար «հնարավոր և ամենահեռանկարային տարբերակներից մեկն է»։ Այս մասին նա հայտարարել է ռուսական «Իզվեստիա» քարոզչական հրատարակությանը տված հարցազրույցում։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Գագլոևը նշել է, որ այսպես կոչված Հարավային Օսիայի Հանրապետության ճանաչման ուղղությամբ աշխատանքները շարունակվում են, և Ռուսաստանի օգնությամբ նրանք օգտագործում են ցանկացած հարթակ՝ ընդլայնելու միջազգային համագործակցության աշխարհագրությունը։
«Միութենական պետությանն անդամակցելը մեզ համար հնարավոր և ամենահեռանկարային տարբերակներից մեկն է։ Ներկայում աշխատանքներ են տարվում Բելառուսի հետ համագործակցության հաստատման ուղղությամբ։ Առայժմ խոսքը հումանիտար ոլորտում շփումների, սպորտի և այլնի մասին է։ Ապագայում մենք ակնկալում ենք ավելի սերտ համագործակցություն Բելառուսի Հանրապետության հետ»,- ասել է Գագլոևը։
Այսպես կոչված Հարավային Օսիան ճանաչել են Ռուսաստանը, Նիկարագուան, Վենեսուելան, Սիրիան և Նաուրուն։ Ինչպես նշել է Գագլոևը, Բելառուսի հետ կապեր հաստատելուց բացի, ճանաչման որոշակի հեռանկարներ կան Լատինական Ամերիկայում, որտեղ Վենեսուելան և Նիկարագուան պատրաստ են օգնել դե ֆակտո հանրապետությանը կապեր հաստատել տարածաշրջանի այլ պետությունների հետ։
Գագլոևի խոսքով՝ այսպես կոչված Հարավային Օսիան Ռուսաստանին միացնելու հարց այս փուլում օրակարգում չկա։
«Եթե լինեն պայմաններ, որոնք կհանգեցնեն հանրապետությանը Ռուսաստանին միանալու հարցի ակտուալացմանը, մենք խորհրդակցություններ կանցկացնենք ռազմավարական գործընկերոջ հետ։ Վստահ եմ, որ ցանկացած որոշում կընդունվի Ռուսաստանի և Հարավային Օսիայի ժողովրդի շահերին համապատասխան։ Ռուսաստանում գտնվելը օս ժողովրդի դարավոր երազանքն է։ Ինչ վերաբերում է դրա իրականացման կոնկրետ իրավական ձևերին, սա համատեղ քննարկման առարկա է...
Վրաստանը, արևմտյան երկրների օգնությամբ, շարունակում է ջանքեր գործադրել մեր հանրապետությունների [այսպես կոչված Հարավային Օսիայի և Աբխազիայի] միջազգային մեկուսացման համար։ Վրացական կողմի մոտեցումները չեն նպաստում մեր երկրների հարաբերություններում առավել դրական մթնոլորտի ստեղծմանը։
Փոխարենը մենք լսում ենք սպեկուլյատիվ կոչեր՝ մինչև 2030 թվականը Վրաստանի հետ միասին միանալ Եվրամիությանը։ Հարավային Օսիան վաղուց և անշրջելիորեն որոշում է կայացրել ընկերների և դաշնակիցների ընտրության հարցում։ Մեր ճանապարհը Ռուսաստանի հետ ինտեգրումն է»,- ասել է դե ֆակտո նախագահը։
Ալան Գագլոևն անդրադարձել է նաև Վրաստանի «ներքաղաքական ճգնաժամին» և ասել, որ «բազմաթիվ արմատական խմբավորումներ, որոնք ներգրավված են այդ գործընթացներում և պարբերաբար հանդես են գալիս ագրեսիվ ազգայնական կարգախոսներով, չեն կարող անհանգստություն չառաջացնել հարավօսական համայնքի համար»։
