«Վրաստանի իշխանությունն իր «թափանցիկության օրենքով» արգելափակում է Եվրամիության ապագայի մասին մարդկանց մեծ երազանքը։ Օրենքը չի համապատասխանում Մարդու իրավունքների եվրոպական կոնվենցիային և պետք է չեղարկվի, որպեսզի Վրաստանը բռնի Եվրոպա տանող ուղին»,- «օտարերկրյա գործակալների» մասին ռուսական օրենքի վերաբերյալ ասել է Գերմանիայի արտգործնախարար Անալենա Բուրբոքը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Գերմանացի դիվանագետի խոսքով՝ Վրաստանի ժողովուրդը ցանկանում է անդամակցել Եվրամիությանը, և դա տպավորիչ ձևով է արտահայտում։
«Անցած օրերին ու շաբաթներին նրանք բողոքում էին ռուսական մոդելի հիման վրա ստեղծված «թափանցիկության օրենքով» քաղաքացիական հասարակության դեմ գործելու կառավարության ծրագրերի դեմ։ Դեռևս 2023 թվականին փողոցային ճնշումների արդյունքում վրացական իշխանությունները հետ կանգնեցին իրենց ծրագրերից՝ ժամանակավոր, ինչպես պարզվում է։ Օրենքը կյանքի կոչելու դեպքում այն էական բացասական ազդեցություն կունենա խոսքի ազատության, գաղտնիության և խտրականության բացառման վրա։ Ըստ Վենետիկի հանձնաժողովի՝ օրենքը հակասում է Մարդու իրավունքների եվրոպական կոնվենցիային (ECHR): Ըստ այդմ, արտգործնախարարները քննարկում են, թե դա ինչ է նշանակում Վրաստանի՝ ԵՄ անդամակցության հեռանկարների համար և ինչպես աջակցել տեղի բնակչությանը։ Նախագահի վետոյից հետո Վրաստանի իշխանությունը հայտնվել է խաչմերուկում»,- ասել է Բուրբոքը։
ԵՄ ԱԳ նախարարները քննարկել են Վրաստանում տեղի ունեցող զարգացումները։ Ինչպես ասել է արտաքին գործերի և անվտանգության քաղաքականության գերագույն ներկայացուցիչ Ժոզեֆ Բորելը, անդամ երկրները պայմանավորվել են դիտարկել ԵՄ-ի կողմից ամենահարմար արձագանքը, եթե օրենքը ուժի մեջ մտնի։
Հնարավոր որոշումներ կկայացվեն հունիսին կայանալիք արտաքին գործերի խորհրդի հաջորդ նիստում։ Լիտվայի արտաքին գործերի նախարար Գաբրիելիուս Լանդսբերգիսը չի բացառել Վրաստանի՝ ԵՄ անդամակցության թեկնածուի կարգավիճակի կասեցումը։
Վրաստանի խորհրդարանը այսօրվա լիագումար նիստում կքննարկի ռուսական օրենքի վերաբերյալ նախագահի մոտիվացված դիտողությունները։ «Վրացական երազանքը» պատրաստվում է հաղթահարել վետոն։
