„საქართველოს მთავრობა თავისი „გამჭვირვალობის კანონით“ ბლოკავს ხალხის დიდ ოცნებას ევროკავშირში მომავალის შესახებ. კანონი არ შეესაბამება ადამიანის უფლებათა ევროპულ კონვენციას და უნდა გაუქმდეს, რათა საქართველომ ევროპისკენ მიმავალი გზა გაიაროს“, - ამის შესახებ გერმანიის საგარეო საქმეთა მინისტრმა ანალენა ბერბოკმა ე.წ. „უცხოეთის აგენტების“ შესახებ რუსულ კანონთან დაკავშირებით განაცხადა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
გერმანელი დიპლომატის თქმით, საქართველოს მოსახლეობას სურს ევროკავშირში გაწევრიანება და ისინი ამას შთამბეჭდავად გამოხატავენ.
„გასულ დღეებსა და კვირებში ისინი აპროტესტებენ ხელისუფლების გეგმებს, იმოქმედოს სამოქალაქო საზოგადოების წინააღმდეგ რუსულ მოდელზე დაფუძნებული ე.წ. „გამჭვირვალობის კანონით“. ჯერ კიდევ 2023 წელს, ქუჩის ზეწოლის შედეგად საქართველოს ხელისუფლებამ უკან დაიხია თავისი გეგმებისგან - დროებით, როგორც ახლა ირკვევა. განხორციელების შემთხვევაში, კანონი მნიშვნელოვან უარყოფით გავლენას მოახდენს გამოხატვის თავისუფლებაზე, კონფიდენციალურობაზე და დისკრიმინაციის აკრძალვაზე. ვენეციის კომისიის განცხადებით, კანონი ეწინააღმდეგება ადამიანის უფლებათა ევროპულ კონვენციას (ECHR). შესაბამისად, საგარეო საქმეთა მინისტრები განიხილავენ, რას ნიშნავს ეს საქართველოს ევროკავშირში გაწევრიანების პერსპექტივისთვის და როგორ შეიძლება ადგილობრივი მოსახლეობის მხარდაჭერა. პრეზიდენტის ვეტოს შემდეგ საქართველოს ხელისუფლება გზაჯვარედინზეა“, - განაცხადა ბერბოკმა.
საქართველოში განვითარებული მოვლენებზე ევროკავშირის საგარეო საქმეთა მინისტრებმა იმსჯელეს. როგორც უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა განაცხადა, წევრი ქვეყნები შეთანხმდნენ, რომ განიხილონ ევროკავშირის მხრიდან ყველაზე შესაფერისი პასუხი იმ შემთხვევაში, თუ კანონი ძალაში შევა.
შესაძლო გადაწყვეტილებებს ივნისში, საგარეო საქმეთა საბჭოს მორიგ შეკრებაზე მიიღებენ. ლიეტუვის საგარეო საქმეთა მინისტრმა, გაბრიელიუს ლანდსბერგისმა არ გამორიცხა, საქართველოს ევროკავშირის წევრობის კანდიდატის სტატუსი შეუჩერდეს.
საქართველოს პარლამენტი დღევანდელ პლენარულ სხდომაზე რუსულ კანონზე პრეზიდენტის მოტივირებულ შენიშვნებს განიხილავს. „ქართული ოცნება“ ვეტოს დაძლევას აპირებს.
