ლიეტუვის საგარეო საქმეთა მინისტრი გაბრიელიუს ლანდსბერგისი არ გამორიცხავს, საქართველოს ევროკავშირის წევრობის კანდიდატის სტატუსი შეუჩერდეს. ამის შესახებ მან დღეს, ბრიუსელში, ევროკავშირის საგარეო საქმეთა საბჭოს სხდომის დაწყებამდე განაცხადა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„საუკეთესო გადაწყვეტილება, რაც შეიძლება გამოვიდეს ჩვენი დღევანდელი შეხვედრიდან, არის ის, რომ იქნება განახლება, საჯარო განახლება ევროკავშირ-საქართველოს ურთიერთობებზე და საქართველოს ევროკავშირისკენ მიმავალ გზაზე.
ვფიქრობ, მიმდინარე მოვლენები უნდა აისახოს და ვიმედოვნებ, რომ იქნება ძალიან მკაფიო სიგნალი ევროკავშირის მხრიდან, რომ თუ კანონის საბოლოო ვერსია მიიღება, საქართველო ვეღარ გააგრძელებს ევროკავშირის გზას“, - აღნიშნა მინისტრმა.
ქართველი ჟურნალისტის შეკითხვაზე, რას ნიშნავს ეს, ლიეტუვის საგარეო საქმეთა მინისტრმა უპასუხა: „ეს იქნება გადაწყვეტილება, რომ კანდიდატის სტატუსი, რომელიც გაიცა პირობით და ეს პირობები არ შესრულდა, ნიშნავს, რომ კანდიდატის სტატუსი აღარ არის. პოლიტიკურად ეს შესაძლებელია, რადგან ეს პოლიტიკური კონცეფციაა. ამიტომ ის [სტატუსი] შეიძლება შეჩერდეს“.
ევროკავშირის გადაწყვეტილებები, რომლებიც საგარეო პოლიტიკას ეხება, 27-ვე წევრი სახელმწიფოს მხარდაჭერას მოითხოვს. გაბრიელიუს ლანდსბერგისმა დღეს აღნიშნა, რომ თითქმის ყველა დისკუსია და ევროკავშირის ყველა საჭირო გადაწყვეტილება იბლოკება მხოლოდ ერთი ქვეყნის - უნგრეთის მიერ. როგორც ლიეტუველმა დიპლომატმა თქვა, უნგრეთმა საქართველოს შესახებ განცხადებაც დაბლოკა.
დღესვე, ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა თქვა, რომ „საქართველოს მთავრობა ევროპული გზიდან გადადის“. კრიტიკული განცხადება გააკეთა ესტონეთის საგარეო საქმეთა მინისტრმაც. მარგუს ცაჰკნამ ჟურნალისტის შეკითხვაზე, რა გადაწყვეტილებებს ელის ევროკავშირისგან, ვიზალიბერალიზაციის გადახედვა და პერსონალური სანქციებიც ახსენა.
