ԱՄՆ Սենատի արտաքին հարաբերությունների հանձնաժողովի անդամ Ջին Շահինը կարծում է, որ Վրաստանն այն երկրներից է, որտեղ ընթանում է ավտոկրատիայի և ժողովրդավարության ներքին պայքար։ Այս մասին սենատորը հայտարարել է ապրիլի 26-ին՝ ԱՄՆ Միջազգային զարգացման գործակալության (USAID) ղեկավար Սամանտա Փաուերի՝ հանձնաժողովի նիստում լսումների ժամանակ։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Ակնհայտ է, որ Վրաստանի ժողովուրդը ցանկանում է նայել դեպի Արևմուտք, դեպի Եվրոպա, նրանք ժողովրդավարություն են ուզում։ Ես և սենատոր Ռիշին այնտեղ էինք 2012 թվականին՝ դիտորդելու ընտրությունները, երբ իշխանության եկավ «Վրացական երազանքը»: Այն, ինչ մենք տեսնում ենք, այն է, որ Վրաստանի կառավարությունն ավելի ու ավելի է գնում դեպի ավտոկրատիա»,- ասել է Ջին Շահինը։
Սենատորը 2024 թվականի համընդհանուր ընտրությունները համարել է «որոշիչ հնարավորություններից մեկը» և ասել, որ Միացյալ Նահանգները վճռորոշ դեր կունենա այդ ընտրություններին աջակցելու գործում: Նա հարցրել է Սամանտա Փաուերին, արդյոք USAID-ը նախատեսում է երկարաժամկետ դիտորդական առաքելություն ներգրավել Վրաստանին աջակցելու համար:
«Դեռ չգիտեմ, թե ինչ ծրագիր է լինելու, բայց ես ամբողջ սրտով համաձայն եմ ձեզ հետ, որ քաղաքացիական հասարակության վրա հարձակումները, որոշ օրենքներ, որոնք գրանցվել են վերջերս, չափազանց մտահոգիչ են։ Մյուս կողմից, նահանջը մեզ ցույց է տալիս Վրաստանում քաղաքացիական հասարակության ուժը և քաղաքացիների ուժը՝ հաստատելու իրենց սեփական կուրսը կամ իրականացնելու իրենց սեփական ժողովրդավարական ձգտումները։ Կարծում եմ, որ մենք պետք է ռեսուրսները լայնորեն կենտրոնացնենք ընտրությունների վրա, քանի որ դա քաղաքացիների համար իրենց ձայնը լսելի դարձնելու հաջորդ իրական հնարավորությունն է, և կարծում եմ, որ դա հավանաբար կներառի ինչպես կարճաժամկետ, այնպես էլ երկարաժամկետ դիտորդական առաքելություններ», - ասել է Սամանտա Փաուերը:
Սենատոր Ջին Շահինը նշել է, որ Արտաքին հարաբերությունների կոմիտեն կաջակցի նախաձեռնությանը և հույս հայտնեց, որ եթե USAID-ը լրացուցիչ ֆինանսավորման կարիք ունենա երկարաժամկետ առաքելության մեջ ներգրավվելու համար, այն հասանելի կլինի:
«Վրացական երազանքի» ներկայացուցիչները կտրականապես համաձայն չեն ամերիկացի սենատորի գնահատականի հետ և ասում են, որ նա լավ տեղեկացված չէ Վրաստանում ընթացող գործընթացներից։ Խորհրդարանի մարդու իրավունքների հանձնաժողովի նախագահ Միխեիլ Սարջվելաձեն ասել է, որ այսօր Վրաստանը ժողովրդավարական երկիր է, ինչպես երբեք։
Սենատոր Շահինը վերջին անգամ Վրաստանում էր փետրվարին, երբ հանդիպեց վարչապետ Իրակլի Ղարիբաշվիլիի, նախագահ Սալոմե Զուրաբիշվիլիի, քաղաքացիական հասարակության և ընդդիմադիր կուսակցությունների ներկայացուցիչների հետ։ Նա Թբիլիսիում գտնվելու ընթացքում խոսել է 2024 թվականի խորհրդարանական ընտրությունների կարևորության մասին։
