Վրաստանի նախագահն ու վարչապետը շնորհավորել են Թրամփին ընտրություններում տարած հաղթանակի կապակցությամբ

«Շնորհավորում եմ նախագահ Դոնալդ Թրամփին ընտրություններում վճռական հաղթանակի կապակցությամբ»,- գրել է Կոբախիձեն X հարթակում։ Վարչապետի խոսքով, ինքը վստահ է, որ Թրամփի ղեկավարությունը կխթանի խաղաղությունը ինչպես գլոբալ, այնպես էլ մեր տարածաշրջանում և կապահովի Վրաստանի և ԱՄՆ-ի հարաբերությունների թարմացումը։

Սալոմե Զուրաբիշվիլին ընդգծել է Վրաստանի եվրաատլանտյան ինտեգրմանը Ամերիկայի աջակցության կարևորությունը։

«Շնորհավորում եմ ձեր ընտրվելու կապակցությամբ, պարոն նախագահ։ Ուժեղ Ամերիկան՝ մեր ռազմավարական գործընկերն ու բարեկամը 33 տարվա ընթացքում, այժմ ավելի քան երբևէ անհրաժեշտ է Վրաստանի եվրաատլանտյան ինտեգրմանը աջակցելու, տարածաշրջանային անվտանգությունն ու կայունությունն ամրապնդելու և մեր ազատությունն ու անկախությունը պաշտպանելու համար»,- գրել է Զուրաբիշվիլին X-ում։

ԱՄՆ-ում նոյեմբերի 5-ին կայացած նախագահական ընտրություններում Հանրապետական ​​կուսակցության թեկնածու Դոնալդ Թրամփը համոզիչ առավելություն ունի։ Նա արդեն իրեն հաղթող է հայտարարել ու Ֆլորիդայում դիմել է իր կողմնակիցներին։ Դոնալդ Թրամփը կլինի ԱՄՆ 47-րդ նախագահը։