საქართველოს პრემიერ-მინისტრი ირაკლი კობახიძე და პრეზიდენტი სალომე ზურაბიშვილი დონალდ ტრამპს ამერიკის შეერთებული შტატების საპრეზიდენტო არჩევნებში გამარჯვებას ულოცავენ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 3 სად გაიხსნება დამატებითი საარჩევნო უბნები საზღვარგარეთ
- 4 გახარიამ ჩორჩანაში საგუშაგო დადგა, მიზანი შეიარაღებული დაპირისპირების გამოწვევა იყო - მდინარაძე
- 5 სასამართლომ „ოცნების“ კლიპის არგაშვების გამო „მთავარი“, „პირველი“ და „ფორმულა“ დააჯარიმა
- 6 „ქართული ოცნების“ სარეკლამო კლიპის გადაღების შემდეგ JWT Metro-ს თანამშრომლები ტოვებენ
„ვულოცავ პრეზიდენტ დონალდ ტრამპს არჩევნებში მის გადამწყვეტ გამარჯვებას“, - დაწერა კობახიძემ პლატფორმა X-ზე. მისი თქმით, დარწმუნებულია, რომ ტრამპის ხელმძღვანელობა ხელს შეუწყობს მშვიდობას, როგორც გლობალურად, ისე ჩვენს რეგიონში, უზრუნველყოფს საქართველოსა და აშშ-ს შორის ურთიერთობების გადატვირთვას.
სალომე ზურაბიშვილმა საქართველოს ევროატლანტიკური ინტეგრაციისადმი ამერიკის მხარდაჭერის მნიშვნელობას გაუსვა ხაზი.
„გილოცავთ არჩევას, ბატონო პრეზიდენტო. ძლიერი ამერიკა - ჩვენი სტრატეგიული პარტნიორი და 33 წლის მეგობარი - ახლა უფრო მეტად საჭიროა, ვიდრე ოდესმე, რათა მხარი დაუჭიროს საქართველოს ევროატლანტიკური ინტეგრაციის, რეგიონული უსაფრთხოებისა და სტაბილურობის გასაძლიერებლად და ჩვენი თავისუფლებისა და დამოუკიდებლობის დასაცავად“, - წერს ზურაბიშვილი X-ზე.
აშშ-ში 5 ნოემბერს გამართულ საპრეზიდენტო არჩევნებში რესპუბლიკური პარტიის კანდიდატი დონალდ ტრამპი დამაჯერებლად ლიდერობს. მან თავი უკვე გამოაცხადა გამარჯვებულად და ფლორიდაში მხარდამჭერებსაც მიმართა. დონალდ ტრამპი აშშ-ის 47-ე პრეზიდენტი იქნება.
