Լրահոս

Փոստային սպասարկման կենտրոնից ծանրոց ստանալը նույնպես թանկացել է ու հիմա արժե 14 լարի։ Նաև չեղարկվել են փոքր փաթեթները, ուստի նվազագույն գումարը, որով օգտատերը կարող է փաթեթ ուղարկել՝ 14 լարի է։

Աճել են նաև միջազգային սակագները։ 1 կիլոգրամանոց ծանրոցն ինքնաթիռով ԱՄՆ ուղարկելու արժեքը աճել է 23 լարիով և դարձել 185 լարի։ Հունաստանի, Լեհաստանի, Իտալիայի, Թուրքիայի ուղղությամբ նոր սակագինը 152 լարի է։

«Վրաստանի փոստ»-ի 100 տոկոս բաժնետոմսերի սեփականատերը պետությունն է: 2012 թվականի նոյեմբերից մինչ օրս ընկերության տնօրենը Լևան Չիկվաիձեն է։ «Միջազգային թափանցիկություն – Վրաստան»-ի տվյալներով՝ վերջին երկու տարիներին Լևան Չիկվաիձեն իր հայտարարագրում չի նշել, թե ինչ եկամուտ է ստանում չորս պետական ​​ընկերությունների տնօրենությունից։ Մինչ այդ, 6 տարվա ընթացքում (2015-2020) Չիկվաիձեի տարեկան եկամուտը «Վրաստանի փոստ»-ում եռապատկվել է՝ 36 707-ից հասնելով 111 622 լարիի։

Լևան Չիկվաիձեն միաժամանակ 4 պետական ​​ընկերությունների տնօրեն է. «Վրաստանի փոստ» ՍՊԸ, Ջորջիան Կարգո ՍՊԸ, Վրացական վիճակախաղի ընկերություն ՍՊԸ, Էքսպրես ՍՊԸ։

Հայտարարագրում Չիկվաիձեն չի նշում նաև իր և իր կնոջ (տնօրեն և/կամ բաժնետեր) հետ կապված այլ 6 ընկերությունները՝ «Ռուսթավի Պուրի» ՍՊԸ, «Մակրոէներջի» ՍՊԸ, «Էլ Սի Ռադիո» ՍՊԸ, «Բոտեկ Ջորջիա» ՍՊԸ, «Էլ Սի Քոմփանի» ՍՊԸ, «Ֆուտզալ ակումբ Թբիլիսի» ՍՊԸ։

Չիկվաիձեն, որպես պաշտոնյա, պարտավոր է այդ ամբողջ տեղեկատվությունը արտացոլել հայտարարագրում։ Քաղաքացիական ծառայության բյուրոն նրան մեկ անգամ տուգանել է 2019 թվականին՝ իր կնոջ անունով ձեռնարկատիրական գործունեության, անշարժ գույքի ու բանկային հաշիվների հետ կապված տեղեկությունները թաքցնելու համար։