Խորհրդարանական ընտրություններից մեկ շաբաթ առաջ՝ հոկտեմբերի 20-ին, Թբիլիսիում կանցկացվի երթ՝ «Վրաստանն ընտրում է Եվրամիությունը» խորագրով։ «Իմ ձայնը» հասարակական կազմակերպությունների կոալիցիայի նախաձեռնած այս միջոցառմանը միանում են նաև քաղաքական կուսակցությունները։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Հոկտեմբերի 20-ին մենք Թբիլիսիում կազմակերպում ենք «Վրաստանն ընտրում է Եվրամիությունը» խորագրով երթ, որին մասնակցելու համար հրավիրում ենք բացարձակապես բոլորին, ում համար կարևոր է Վրաստանի եվրոպական ընտրությունը», - ասել է «Իմ ձայնի» ներկայացուցիչ Լոնդա Թոլորաիան։
Ըստ «Թրանսփարենսի Ինթերնեշնլ-Վրաստան» հասարակական կազմակերպության տնօրեն Էկա Գիգաուրիի, ծրագրված երթը արևմտյան գործընկերների համար դեպի Եվրամիություն Վրաստանի ձգտումը հաստատելու գործիք է։
«Այս երթն ու ցույցը նախատեսված է այն մարդկանց համար, ովքեր ընտրում են Եվրամիությունը։
Մենք հիշում ենք այն մեծ համախմբվածությունը, որ ունեինք մարտին տեղի ունեցող ցույցերի ժամանակ, և հետևաբար, շատ կարևոր կլինի ցույց տալ մեր արևմտյան գործընկերներին՝ Եվրամիությանը, որ, այո, Վրաստանն ընտրում է Եվրամիությունը։ Մենք համախմբված ենք հենց այս նպատակի շուրջ։
Տարբեր խմբեր, հավանաբար, կունենան իրենց վայրը: Այս պարագայում, կարծում եմ, կարևոր է Ազատության հրապարակում տարբեր կողմերից մարդկանց համախմբելը։ Իհարկե, Մտկվարիի երկու ափերին երթ է լինելու։ Մենք՝ քաղաքացիական հասարակությունը, նույնպես կունենանք մեր վայրը»,- ասել է Գիգաուրին։
«Առաջիկա ընտրություններն իսկապես ունեն հանրաքվեի ուժ ու նշանակություն, որտեղ քաղաքացիները կարտահայտեն իրենց ընտրությունը՝ ցանկանում են շարժվել դեպի Եվրոպա, թե Վրաստանը կմնա ռուսական ազդեցության տակ։ Հետևաբար՝
այս երթի նպատակն է լինելու, որ Վրաստանի քաղաքացիները ևս մեկ անգամ հասկացնեն ամբողջ աշխարհին, որ Վրաստանում, այս երկրի բնակչության մեծ մասն ընտրում է Եվրոպան»,- ասել է նախկին հանրային պաշտպան Նինո Լոմջարիան։
Ընդդիմադիր կուսակցությունների ներկայացուցիչներն ասում են, որ իրենք անպայման կմիանան երթին և ևս մեկ անգամ ցույց կտան, որ աջակցում են եվրաատլանտյան ինտեգրմանը։
«Հոկտեմբերի 20-ին Թբիլիսիի փողոցներում կուտակված բազմությունը պետք է ուղերձ լինի Բիձինա Իվանիշվիլիին, որ նա չպետք է համարձակվի շահարկել ընտրական գործընթացը և պետք է ենթարկվի վրաց ժողովրդի կայացրած որոշմանը։
Հաշվեք, որ ով գնում է այնտեղ, պաշտպանում է ոչ միայն եվրոպական ապագան, այլև ընտրություններում սեփական ձայնը»,- ասել է «Ուժեղ Վրաստան» կոալիցիայի անդամ Սալոմե Սամադաշվիլին։
Երթի հստակ ժամն ու վայրը հայտնի կդառնա ավելի ուշ։
