Վրաստանում 2024 թվականի հունվար-հունիսին ողջ ծնվածների թիվը կազմել է 18 633 երեխա։ Նույն ժամանակահատվածում երկրում մահացել է 22 265 մարդ։ Վիճակագրության ազգային ծառայության տվյալներով՝ բնական աճը, այսինքն՝ ողջ ծնվածների և մահացածների թվի տարբերությունը, կազմել է - 3632 մարդ։ Բնական աճի դրական ցուցանիշ է գրանցվել միայն Թբիլիսիում (478) և Աջարիայում (621):
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ըստ Սաքստատի՝ հունվար-հունիսին ողջ ծնվածների ամենաշատ դեպքերը գրանցվել են Թբիլիսիում (6901), իսկ ամենաքիչը՝ Ռաճա-Լեչխումիում և Քվեմո Սվանեթիում (115): Նույն տարածաշրջանում մահացել է 259 մարդ։
Ամենաբարձր բացասական բնական աճը գրանցվել է Իմերեթիում (-1512), որտեղ 2087 երեխա է ողջ ծնվել, մահացել է 3599 մարդ։ Երկրորդ տեղում է Սամեգրելո-Զեմո Սվանեթին (-1094)՝ տարածաշրջանում գրանցվել է 1125 ծնունդ և 2219 մահ։
Կախեթիում ողջ ծնվածների թիվը կազմել է 1374, որտեղ մահացել է 2002 մարդ։ Ըստ այդմ, Կախեթիի շրջանը բնական աճի ամենաբարձր բացասական ցուցանիշով երրորդն է (-628):
Քվեմո Քարթլիում ողջ ծնվածների և մահացածների թվի տարբերությունը համեմատաբար փոքր է (-43): Նշված տարածաշրջանում գրանցվել է 2174 ծնունդ և 2217 մահ։
2023 թվականի առաջին կիսամյակի համեմատ Վրաստանում ծնելիության մակարդակը նվազել է, իսկ մահացությունը՝ աճել։ Ըստ Սաքստատի տվյալների՝ նախորդ տարվա հունվար-հունիսին 19 431 երեխա է ծնվել, մահացել է 21 944 մարդ։ Բնական բացասական աճը կազմել է - 2513։
Բացի այդ, 2023 թվականի առաջին կիսամյակի համեմատ այս տարվա առաջին 6 ամիսներին գրանցված ամուսնությունների թիվը նվազել է, իսկ ամուսնալուծությունները՝ աճել։ Եթե նախորդ տարի տվյալ ժամանակահատվածում գրանցվել է 10 366 ամուսնություն և 6 828 ամուսնալուծություն, ապա այս տարվա տվյալները կազմում են 9 924 գրանցված ամուսնություն և 6 859 ամուսնալուծություն։
Ըստ Սաքստատի՝ 2024 թվականի ժողովրդագրական ճշգրտված տվյալները հասանելի կլինեն 2025 թվականի մարտի վերջին։
