2022 թվականի չորրորդ եռամսյակում Վրաստանում միջին ամսական անվանական աշխատավարձը նախորդ տարվա համապատասխան ժամանակաշրջանի համեմատ աճել է 21,2%-ով կամ 309,9 լարիով և կազմել 1773,7 լարի։ Կանանց միջին աշխատավարձը կազմել է 1411,7 լարի, իսկ տղամարդկանցը՝ 2123,2 լարի։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Վիճակագրության ազգային ծառայության տվյալներով՝ ըստ գործունեության տեսակի համեմատաբար բարձր աշխատավարձեր են արձանագրվել հետևյալ ոլորտներում.
- Տեղեկատվություն և հաղորդակցություն՝ 3672,6 լարի (նախորդ տարվա համապատասխան ժամանակահատվածի համեմատ աճել է 61,8%-ով),
- Ֆինանսական և ապահովագրական գործունեություն՝ 2726,7 լարի (աճը՝ 12,1%),
- Շինարարություն՝ 2535,8 լարի (աճը՝ 14,8%),
- Մասնագիտական, գիտատեխնիկական գործունեություն՝ 2455,1 լարի (աճը՝ 15,1%)։
Կանանց աշխատավարձի տարեկան աճը կազմել է 258 լարի (22,4%), իսկ տղամարդկանցը՝ 355,3 լարի (20,1%)։ Ըստ գործունեության տեսակների՝ տղամարդկանց աշխատավարձը գրեթե բոլոր ոլորտներում ավելի բարձր է եղել, քան կանանց։
Ինչ վերաբերում է բիզնես ոլորտում վարձու աշխատողների միջին ամսական աշխատավարձին, ապա «Սաքստատի» տվյալներով, նախորդ տարվա չորրորդ եռամսյակում աշխատավարձն աճել է 313,2 լարիով (19,6%) և կազմել 1911,1 լարի։ Ըստ գործունեության տեսակների՝ ամենաբարձր աշխատավարձը գրանցվել է տեղեկատվության և հաղորդակցության ոլորտներում (3773,6 լարի, նախորդ տարվա համապատասխան ժամանակահատվածի համեմատ աճել է 64,7%-ով), ինչպես նաև արվեստի, զվարճանքի և հանգստի (2 959,1 լարի, աճել է 18.3%-ով) ոլորտներում։
Ոչ ձեռնարկատիրական և ֆինանսական հատվածում միջին ամսական աշխատավարձը, 2021 թվականի համապատասխան ժամանակահատվածի համեմատ, աճել է 272,4 լարիով (21.8%) և կազմել 1523,0 լարի։ Կախված գործունեության տեսակից՝ ֆինանսական և ապահովագրական ոլորտներում աշխատողներն ունեն համեմատաբար բարձր միջին աշխատավարձ։
Միջին աշխատավարձով առաջատար են Թբիլիսին ու Մցխեթա-Մթիանեթիի տարածաշրջանը։ Թբիլիսիում միջին ամսական աշխատավարձը կազմում է 2066 լարի, Մցխեթա-Մթիանեթիում՝ 1560 լարի, Աջարիայում՝ 1492 լարի, Քվեմո Քարթլիում՝ 1376, Իմերեթիում՝ 1235, Սամեգրելո-Զեմո Սվանեթիում՝ 1212, Սամցխե-Ջավախեթիում՝ 1201 լարի։ Տարածաշրջաններից ամենացածր միջին աշխատավարձը գրանցվել է Շիդա Քարթլիում՝ 1150լարի, Կախեթիում՝ 1095 լարի, Գուրիայում՝ 1023 լարի, Ռաճա-Լեչխումի և Քվեմո Սվանեթիում՝ 910 լարի։
