Խարագաուլիի մունիցիպալիտետի Մարելիսի գյուղում փրկարարները հայտնաբերել են սողանքի հետևանքով երկաթգծերի վրա թափված հողի զանգվածի տակ մնացած տղամարդու դին։ Մահացածը 77-ամյա թոշակառու Յուրի Քուրդաձեն է։
Լրահոս
Ընթերցողի ընտրանի
- 1 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 2 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 5 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 6 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
Տեղացիների խոսքով՝ Յուրի Քուրդաձեն փնտրել է իր անասուններին, երբ հանկարծակի սողանք է տեղի ունեցել։
«Կարծում եմ, որ ավելի մեծ ուշադրություն կպահանջվի, որպեսզի այն վայրերը, որտեղ կարող են լինել նման սողանքային գոտիներ, մանրակրկիտ ուսումնասիրվեն՝ հետագայում նման փաստերից խուսափելու համար»,- ասել է Խարագաուլիի մունիցիպալիտետի քաղաքապետ Կոբա Լուրսմանաշվիլին։
Արտակարգ իրավիճակների կառավարման ծառայությունից հայտնում են, որ տղամարդուն հողի զանգվածի տակ որոնել են նաև անօդաչու թռչող սարքի և փրկարար շան օգնությամբ։
Մարելիսիում երկաթգծի մոտ հուլիսի 1-ին սողանք է տեղի ունեցել, ինչի հետևանքով երկաթուղային երթևեկությունը դադարեցվել է։ Վրաստանի երկաթուղիները ուղևորափոխադրումների մի մասը չեղարկել է նաև հուլիսի 2-ին և 3-ին։ Ինչպես նշում են ընկերությունում, այս պահին Մարելիսի կայարանի մերձակա գծերն ամբողջությամբ մաքրվել են, վերականգնվել է կոնտակտային ցանցը։ Նախատեսվում է այսօր՝ հուլիսի 3-ին, ժամը 17:00-ից վերսկսել գնացքների երթևեկությունը։
