Խորհրդարանը հաստատել է Հանրային հեռարձակողի հոգաբարձուների խորհրդի անդամության թեկնածուների ընտրության խորհրդարանական մրցութային հանձնաժողովի կազմը։ Հանձնաժողովի 9 անդամներից 4-ը «Իմեդի» իշխանական հեռուստաընկերության աշխատակիցներ են։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Խորհրդարանական մրցութային հանձնաժողովի անդամներն են.
- Դավիթ Մաղլափերիձե - «Իմեդի» ռադիոյի ծրագրերի ղեկավար,
- Մակո Ջաոշվիլի - «Էլթերբրիջ» կառավարման և հաղորդակցության միջազգային ուսումնական համալսարանի պրոռեկտոր, դոցենտ,
- Գոդերձի Շարաշիա - լրագրող, «Իմեդի» հեռուստաընկերության «Իմեդիի առավոտ» առավոտյան ծրագրի հաղորդավար,
- Նինո Մեունարգիա - լրագրող, հաղորդավար և «Իմեդի» ռադիոյի «Մենք այստեղ ենք» հաղորդաշարի հեղինակ։ Հաշմանդամություն ունեցող երեխաների իրավունքների պաշտպան,
- Օթար Տատիշվիլի - կինոդերասան, ռադիո և հեռուստահաղորդավար, «Իմեդի» հեռուստաընկերության «Իմեդիի առավոտ» առավոտյան հաղորդաշարի վարող, բժիշկ, պրոֆեսոր,
- Նինո Կակուլիա - Իվանե Ջավախիշվիլու անվան Թբիլիսիի պետական համալսարանի «Թբիլիսի» ամսագրի խմբագիր, լրագրող,
- Գեդևան Ջինճարաձե - «Ռուսթավի» համույթի մենակատար, ֆոլկլորիստ,
- Մարիամ Գվիդիանի - «Կանանց ձայնը` ժողովրդավարություն և անվտանգություն» ոչ առևտրային իրավաբանական անձի գործադիր տնօրեն,
- Գիվի Աբեսաձե - «Դիդգորի» ժողովրդական անսամբլի մենակատար։
Հանրային հեռարձակողի հոգաբարձուների խորհրդում, որը բաղկացած է 11 անդամից, թափուր է երեք տեղ։ 9 հոգուց բաղկացած մրցութային հանձնաժողովը պետք է ընտրի հոգաբարձուների թեկնածուներ։
«Հանձնաժողովի կազմն ընտրվել է խորհրդակցությունների արդյունքում։ Նրանց թվում ընդդիմությունը սեփական թեկնածուներին ներկայացնելու առաջարկ ուներ, սակայն, ցավոք, նրանց կողմից ոչ ոք չառաջադրվեց։ Նաև առաջարկ ուներ հանրային պաշտպանը, ով առաջադրեց հանձնաժողովի անդամի թեկնածու»,- այսօրվա լիագումար նիստում ասել է խորհրդարանի նախագահ Շալվա Պապուաշվիլին։
«Միացյալ ազգային շարժման» անդամ Լևան Բեժուաշվիլին այս հարցի վերաբերյալ պարզաբանում է տվել և խնդրել է հանձնաժողովի կազմում համալրել լրագրող Էկա Ծամալաշվիլիին. «Մենք կտեսնենք թեկնածությունը։ Պարզապես մենք կարող ենք ժամանակին սպառվել ու չկարողացանք ժամանակին ներկայացնել: Կարծում եմ՝ ոչինչ չի տուժի, եթե մեր խմբակցությունից մեկ թեկնածու էլ ներկայացված լինի»։
Ընդդիմադիր պատգամավորի խնդրանքը չի բավարարվել։ Շալվա Պապուաշվիլին նշել է, որ թեկնածուին ներկայացնելու համար բավական ժամանակ կա. «Մենք արդեն շփվել ենք նրանց հետ, ովքեր այս հանձնաժողովում են, ունենք նրանց համաձայնությունը, և կարծում եմ, որ որևէ մեկին առաջարկվող ցուցակից հանելը ճիշտ չի լինի»։
Խորհրդարանական մրցութային հանձնաժողովը հաջորդ փուլում կմշակի դրույթ, որը կսահմանի հոգաբարձուների թեկնածուների գնահատման չափանիշները և նրանց կողմից մշակված Հանրային հեռարձակողի զարգացման հայեցակարգերը։
