Թբիլիսիում՝ խորհրդարանի դիմաց բողոքի ցույցի մասնակիցները կոչ են անում իշխանություններին անհապաղ հետ կանչել «գործակալների մասին» օրենքի նախագիծը և ազատ արձակել ապօրինի բերման ենթարկված ցուցարարներին։ «Ստրատեգիա Աղմաշենեբելի» կուսակցության առաջնորդ, պատգամավոր Գիորգի Վաշաձեն, ելույթ ունենալով ասել է, որ իշխող կուսակցությանը մեկ ժամ են տալիս պահանջները կատարելու համար։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Ուղիղ մեկ ժամ կսպասենք, որ Ռուսաստանի շահերը կրողները հայտարարություն անեն, որ խորհրդարանից հետ են կանչել օրինագիծը, իսկ երեկ ձերբակալվածներին ազատ են արձակել։ Հակառակ դեպքում մենք կանցնենք հաջորդ քայլերին։ Դիմում եմ Բիձինա Իվանիշվիլիին, խելքի եկեք և ընդունեք ժողովրդի կամքը, անմիջապես ետ կանչեք խորհրդարանից այս ռուսական օրենքը։
Եթե մեկ ժամվա ընթացքում չստանանք պատասխան, մենք կհայտարարենք կոնկրետ գործողությունների մասին: Խորհրդարանը վաղը վերսկսում է աշխատանքը, և մենք ձեզ կներկայացնենք կոնկրետ գործողությունների ծրագիր այս կապակցությամբ: Մեկ ժամ: Վայրկյանաչափը միացված է: Մենք սպասում ենք պատասխանին»,- ասել է Վաշաձեն։
Մարտի 7-ին Վրաստանի խորհրդարանը 76 կողմ, 13 դեմ ձայներով առաջին ընթերցմամբ ընդունել է «Օտարերկրյա ազդեցության թափանցիկության մասին» ռուսական օրենքի նախագիծը։ Օրենքը անկախ լրատվամիջոցներին և քաղաքացիական հասարակության կազմակերպություններին հռչակում է «օտարերկրյա գործակալներ» և բազմաթիվ լծակներ է տալիս դրանք սահմանափակելու կամ փակելու համար։ Քվեարկության արդյունքների համաձայն՝ նիստում գրանցում են անցել, սակայն «Վրացական երազանքի» չորս պատգամավորներ՝ Դավիթ Սերգեենկոն, Վլադիմիր Չաչիբաիան, Քեթևան Դումբաձեն և Իրակլի Մեձմարիաշվիլին չեն մասնակցել քվեարկությանը։ Ավելի ուշ Դումբաձեն և Մեձմարիաշվիլին հայտարարել են, որ կողմ են քվեարկել օրինագծին, թեև տեխնիկական սխալ է եղել։
Խորհրդարանի շենքի մոտ ռուսական օրենքների դեմ բողոքի ակցիայի ժամանակ Ներքին գործերի նախարարությունը ջրցան մեքենաներ և մի քանի ժամ շարունակ արցունքաբեր գազ է կիրառել խաղաղ ցուցարարների դեմ։ Բազմաթիվ մարդիկ վիրավորվել են։ Արցունքաբեր գազի արձակման պատճառով ցույցը մի քանի անգամ ցրվել է: Վերջում Ռուսթավելիի պողոտայում գտնվող խորհրդարանի ողջ տարածքը գրավել են հատուկ ջոկատայինները։ Ոստիկանները փողոցներում հետապնդել ու ձերբակալել են խաղաղ ցուցարարներին, իսկ ձերբակալության ժամանակ բռնություն են գործադրել։ Ոստիկանությունը մանր խուլիգանության և ոստիկանության օրինական պահանջին չենթարկվելու մեղադրանքով վարչական կարգով բերման է ենթարկել 76 անձի։ Ձերբակալությունները շարունակվել են նաև ակցիայի երկրորդ օրը:
Այս թեմայով՝
Վրացական հասարակությունը լրտեսների նոր հեղափոխություն թույլ չի տա. Կոբախիձե
