Խորհրդարանի մոտ ռուսական օրենքի դեմ տեղի ունեցած բողոքի ակցիայի ժամանակ ձերբակալվել է եվրոպական և եվրատլանտյան կառույցներում Վրաստանի ինտեգրման հարցերով նախկին պետնախարար Ալեքսի Պետրիաշվիլին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ներքին գործերի նախարարության տվյալներով՝ Ալեքսի Պետրիաշվիլին ձերբակալվել է Վարչական իրավախախտումների վերաբերյալ օրենսգրքի 166-րդ և 173-րդ հոդվածներով, որոնք վերաբերում են մանր խուլիգանությանը և ոստիկանության պահանջներին անհնազանդությանը։
Մինչ այդ խաղաղ ցուցարարների դեմ հատուկ նշանակության ջոկատի անդամները կիրառել են այսպես կոչված պղպեղի սփրեյ։ Բժիշկները ցուցարարներին շտապ բուժօգնություն են ցուցաբերել։
ՆԳՆ-ն հայտարարել է, որ Ռուսթավելիի պողոտայում բողոքի ակցիան դարձել է բռնի, ակցիայի մասնակիցները տեղում բանավոր և ֆիզիկապես վիրավորանք են հասցրել իրավապահներին, այդ իսկ պատճառով հատուկ միջոցներ են կիրառվել։
Թբիլիսիի քաղաքապետարանը հայտարարություն է տարածել, որ խորհրդարանի մոտ ցուցարարների հավաքն արտոնված չէ։ Քաղաքապետարանը ցուցարարներին կոչ է արել «զերծ մնալ սադրանքներից և հնարավորություն տալ ապրիլի 29-ին նախատեսված միջոցառման կազմակերպիչներին իրականացնել իրենց աշխատանքը»։
«Ի՞նչ «չարտոնված» հանրահավաք։ несанкционированный митинг - միայն Ռուսաստանն ունի նման տերմին, և թվում է, թե տեքստն ուղղակիորեն ռուսներն են գրել»,- ասել է Վրաստանի նախկին հանրային պաշտպան, «Եվրոպական ուղեծրի» ղեկավար Նինո Լոմջարիան։
Վրաստանի Սահմանադրության 21-րդ հոդվածի համաձայն՝ «յուրաքանչյուր ոք, բացառությամբ նրանց, ովքեր մաս են կազմում պաշտպանական ուժերին կամ պետական կամ հասարակական անվտանգության պաշտպանության համար պատասխանատու մարմնին, իրավունք ունի առանց նախնական թույլտվության հրապարակային և անզեն հավաքներ անցկացնել»։
Հանրային պաշտպանի խոսքով՝ հավաքը դադարեցնելու նախադրյալ չկա, և հանրահավաքը խաղաղ է։ Հանրային պաշտպանը դիմել է ՆԳՆ-ին՝ ուժ չկիրառել հավաքի խաղաղ մասնակիցների նկատմամբ և թույլ տալ նրանց օգտվել Սահմանադրությամբ երաշխավորված իրավունքներից։
Ապրիլի 29-ին երեկոյան «Վրացական երազանքը» հանրահավաք կանցկացնի՝ հաջակցություն ռուսական օրենքի։ Մարզերից հանրահավաքի համար բերվում են հանրային ծառայությունների աշխատակիցներ, այդ թվում՝ իրենց կամքին հակառակ։ «Երազանքի» հակաակցիայի համար իշխանությունները երեկ առավոտից խորհրդարանի տարածքը պարսպապատել են երկաթե ցանկապատերով։
