რუსული კანონის წინააღმდეგ პარლამენტთან მიმდინარე საპროტესტო აქციაზე ევროპულ და ევროატლანტიკურ სტრუქტურებში ინტეგრაციის საკითხებში საქართველოს ყოფილი სახელმწიფო მინისტრი ალექსი პეტრიაშვილი დააკავეს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
შინაგან საქმეთა სამინისტროს ინფორმაციით, ალექსი პეტრიაშვილი დაკავებულია ადმინისტრაციულ სამართალდარღვევათა კოდექსის 166-ე და 173-ე მუხლით, რაც წვრილმან ხულიგნობასა და პოლიციის მოთხოვნისადმი დაუმორჩილებლობას გულისხმობს.
მანამდე სპეციალური დანიშნულების რაზმის წევრებმა მშვიდობიანი დემონსტრანტების წინააღმდეგ ე.წ. წიწაკის სპრეი გამოიყენეს. დემონსტრანტებს სასწრაფო სამედიცინო დახმარება ექიმებმა გაუწიეს.
შინაგან საქმეთა სამინისტრომ განაცხადა, რომ რუსთაველის გამზირზე საპროტესტო აქციამ ძალადობრივი ხასიათი მიიღო, აქციის მონაწილეები სიტყვიერად და ფიზიკურად უპირისპირდებიან ადგილზე მყოფ სამართალდამცველებს და ამიტომაც გამოიყენეს სპეციალური საშუალება.
თბილისის მერიამ გაავრცელა განცხადება, რომ პარლამენტის მიმდებარე ტერიტორიაზე აქციის მონაწილეების შეკრება არასანქცირებულია. მერიამ მოუწოდა დემონსტრანტებს, „თავი შეიკავონ პროვოკაციებისგან და 29 აპრილს დაგეგმილი ღონისძიების ორგანიზატორებს, სამუშაოების ჩატარების შესაძლებლობა მისცენ“.
„რა „არასანქცირებული“ მიტინგი? несанкционированный митинг- ასეთი ტერმინი მხოლოდ რუსეთს აქვს და ეტყობა პირდაპირ რუსებმა დაუწერეს ტექსტი“, - განაცხადა საქართველოს ყოფილმა სახალხო დამცველმა, „ევროპული ორბიტის“ ხელმძღვანელმა, ნინო ლომჯარიამ.
საქართველოს კონსტიტუციის 21-ე მუხლის თანახმად, „ყველას, გარდა იმ პირებისა, რომლებიც არიან თავდაცვის ძალების ან სახელმწიფო ან საზოგადოებრივი უსაფრთხოების დაცვაზე პასუხისმგებელი ორგანოს შემადგენლობაში, აქვს წინასწარი ნებართვის გარეშე საჯაროდ და უიარაღოდ შეკრების უფლება“.
სახალხო დამცველის განცხადებით, არ არსებობს შეკრების შეწყვეტის წინაპირობა და აქცია ატარებს მშვიდობიან ხასიათს. სახალხო დამცველმა მიმართა შინაგან საქმეთა სამინისტროს, არ გამოიყენოს ძალა შეკრების მშვიდობიანი მონაწილეების მიმართ და არ შეუშალოს მათ ხელი კონსტიტუციით გარანტირებული უფლებით სარგებლობაში.
29 აპრილს, საღამოს, „ქართული ოცნება“ რუსული კანონის მხარდამჭერ შეკრებას მართავს. აქციაზე რეგიონებიდან ჩამოჰყავთ საჯარო სამსახურებში დასაქმებულები, მათ შორის, მათი ნების საწინააღმდეგოდ. „ოცნების“ კონტრაქციისთვის ხელისუფლებამ დღეს დილიდან რკინის ჯებირებით შემოღობა პარლამენტის ტერიტორია.
