Նախագահ Վլադիմիր Զելենսկին հաստատել է, որ Ուկրաինան ստացել է ամերիկյան արտադրության F-16 կործանիչներ և ասել, որ սա երկրի ռազմաօդային ուժերի զարգացման նոր փուլ է։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Այս պատերազմի սկսվելուց հետո մենք մեր գործընկերների հետ խոսել ենք մեր երկինքը ռուսական հրթիռների և ինքնաթիռների համար փակելու անհրաժեշտության մասին։ Մենք հարյուրավոր հանդիպումներ ու բանակցություններ ենք անցկացրել՝ ամրապնդելու մեր ավիացիայի, հակաօդային պաշտպանության, պաշտպանության ուժերի կարողությունները։ Մենք հաճախ էինք լսում «անհնար է» պատասխանը, բայց, այնուամենայնիվ, հնարավոր դարձրինք այն, ինչ մեր հավակնությունն էր, պաշտպանության կարիքը։ Հիմա դա իսկապես իրականություն է մեր երկնքում: F-16-ը գտնվում է Ուկրաինայում»,- ասել է Զելենսկին։
Ուկրաինայի նախագահը շնորհակալություն է հայտնել գործընկերներին, որոնք օգնում են Ուկրաինային ստանալ F-16-ներ, և այն երկրներին, որոնք առաջինն են կիսել Ուկրաինայի խնդրանքը այդ ինքնաթիռների մատակարարման վերաբերյալ, մասնավորապես՝ Դանիան, Նիդերլանդները և ԱՄՆ-ը:
Զելենսկին չի հստակեցրել, թե քանի ինքնաթիռ է ստացել Ուկրաինան։ Նա ընդգծել է, որ F-16-ների և պատրաստված օդաչուների թիվը դեռևս բավարար չէ։
Ուկրաինայի զինված ուժերի գլխավոր հրամանատար Ալեքսանդր Սիրսկին ասել է, որ Ուկրաինայում F-16 կործանիչների հայտնվելուց հետո «կլինեն ավելի շատ խոցված հրթիռներ և ինքնաթիռներ, որոնք ռուս հանցագործները օգտագործում են ուկրաինական քաղաքների վրա հարձակվելու համար»։
«Ժամանակակից ինքնաթիռների արդյունավետ օգտագործումն առաջին հերթին ուկրաինացի զինծառայողների կյանքը պահպանելու համար է։ Շնորհակալ եմ նախագահին, պաշտպանության նախարարին և բոլորին, ովքեր 24/7 աշխատեցին, որպեսզի F-16-ները հայտնվեն մեր երկնքում»,- ասել է Սիրսկին՝ նշելով, որ սա ևս մեկ կարևոր քայլ է Ուկրաինայի հաղթանակի համար։
Ուկրաինան գործընկեր երկրներից լրացուցիչ գրոհային ինքնաթիռների է սպասում։