Զուգդիդիում՝ Բուկիա փողոցում, բազմահարկ բնակելի շենքի վեցերորդ հարկում, ուշ գիշերին բռնկված հրդեհի հետևանքով մոտ վեց տարեկան երկու երեխա է զոհվել։ Երկու դեռահասներ կարողացել են դուրս գալ այրվող բնակարանից։ Նրանց կյանքին վտանգ չի սպառնում։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
Երբ հրդեհը բռնկվել է, քույրն ու եղբայրը միայնակ են եղել վարձակալած բնակարանում։ Թե որն է հրդեհի բռնկման պատճառը, հայտնի չէ։ Հարևաններից մեկի խոսքով՝ պարտքերը չվճարելու պատճառով սոցիալապես անապահով ընտանիքին անջատել են էլեկտրաէներգիան ու բնական գազը։
Հարևանների խոսքով` երեխաները որոշ ժամանակ խնամատարության մեջ են եղել, բայց ընտանիքի կայուն եկամուտ ունենալուց հետո վերադարձել են ծնողների մոտ: Ամուսինն ու կինը աշխատել են ընկույզ հավաքող, իսկ երեխաները հաճախ մենակ են մնացել տանը։
Հրդեհը բռնկվել է ժամը 02։00-ի սահմաններում։ Ըստ հարևանների՝ դեպքի վայր ժամանած հրշեջ ավտոմեքենան խնդրի առաջ է կանգնել, մասնավորապես՝ աստիճը ի սկզբանե չի բացվել։
«Հրշեջները որ եկան, ներքևից էին ջուր լցնում ու ինչպե՞ս պետք է հանգցնեին։ Ջուրը չէր կարող բարձրանալ»,- ասել է տեղի բնակիչներից մեկը։
Արտակարգ իրավիճակների կառավարման ծառայությունից հայտնում են, որ հրշեջ-փրկարարական ջոկատը շտապ դեպքի վայր է ժամանել, սակայն երկու դեռահասի հայտնաբերել են մահացած։ Ծառայությունից նշում են, որ հրդեհը ժամանակին տեղայնացվել է, և կրակը չի տարածվել մյուս հարկերում։
