Milli Statistika Xidməti 2023-cü il üçün əsas demoqrafik göstəriciləri açıqlayıb, ona əsasən, ötən il Gürcüstanda mənfi təbii artım qeydə alınıb. Diri doğulanlar və dünyasını dəyişənlər asındakı say fərqi 2542 olub.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 6 Ermənistan mətbuatı sərhədyanı Ciliza kəndinin Gürcüstana verilməsi barədə yazır
Müsbət təbii artım yalnız Tbilisidə qeydə alınıb ki, burada 13 697 nəfər doğulub, 12 229 nəfər dünyasını dəyişib, Acarada (5 046 doğum, 3 286 ölüm) və Kvemo Kartlidə (4 878 doğum, 4 159 ölüm) qeydə alınıb.
Gürcüstanda diri doğulanların sayı 21 010 oğlan və 19 204 qız olmaqla 40 214 uşaq təşkil edib. Bu göstərici əvvəlki illə müqayisədə 5% azalıb. Ən az, 226 uşaq Raça-Leçxumi və Kvemo Svaneti bölgəsində doğulub.
2023-cü ildə diri doğulanların ümumi sayında 2022-ci illə müqayisədə ilk doğulanların payı 39,1%-dən 37,7%-ə enmiş, ikinci uşağın payı demək olar ki, dəyişməyərək 33,6% qalmış, üçüncü və sonrakı doğuşlar 26,6%-dən 27,5%-ə yüksəlmişdir.
25 yaşadək analardan doğulan uşaqların payı 24,6%-ə qədər azalıb. Artım 40 və daha yuxarı yaşda olan analar arasında müşahidə olunur - onların payı 4%-dən 6%-ə yüksəlib.
Ötən il 42 756 nəfər dünyasını dəyişib ki, bu da 2022-ci illə müqayisədə 13% azdır. Ən çox ölüm halları Tbilisidə - 12 229, İmeretidə - 7 008, Kvemo Kartlidə - 4 159 və Sameqrelo-Zemo Svanetidə - 4 119 qeydə alınıb.
Ötən il ölkədə 22 275 nikah qeydə alınıb ki, bu da əvvəlki ilin müvafiq göstəricisindən 14,5% azdır. Regionlar üzrə qeydə alınan nikahların ən çoxu Tbilisidə - 6738, İmeretidə - 3334, Kvemo Kartlidə - 2748 və Acarada - 2208 qeydə alınıb. Qadınlar üçün ilk nikahın orta yaşı 29,7, kişilər üçün isə 32,1-dir.
Ötən il 13 664 boşanma halı olub ki, bu da əvvəlki illə müqayisədə 3,1% azdır. Ən çox boşanma Tbilisidə qeydə alınıb - 4688 boşanma, İmereti - 2285, Sameqrelo-Zemo Svaneti - 1507 və Kvemo Kartli - 1331.
