BMT İnsan Haqları Şurasının 56-cı sessiyasında Litva 36 ölkə adından Gürcüstanda qəbul edilən “xarici agentlər” haqqında rus qanunu ilə bağlı narahatlığını bildirib və bunu insan hüquqlarına ciddi təhdid kimi qiymətləndirib.
Əsas xəbərlər
36 ölkə Gürcüstan hökumətini rus qanunu ləğv etməyə, etirazçılara hədə-qorxu gəlməyi dayandırmağa, vətəndaş cəmiyyətini, toplaşmaq və birləşmək azadlığını qorumağa çağırır.
“Biz Ali Komissarın öz qlobal hesabatında Gürcüstanda baş verən son hadisələr və xüsusilə “xarici təsirin .əffaflığı” qanununun qəbulu ilə bağlı hadisələrlə əlaqədar ifadə etdiyi narahatlığı bölüşürük. Bu qanun Gürcüstanda vətəndaş cəmiyyətinə, insan haqlarına və qanunun aliliyinə ciddi təhlükə yaradır.
Qanun medianın, hüquq müdafiəçilərinin və vətəndaş cəmiyyəti təşkilatlarının səslərini boğmaq üçün onların işinə zəiflədici təsir göstərmək məqsədi daşıyır.
Qanun gürcü xalqının böyük bir hissəsinin narahatlığına məhəl qoyulmadan və beynəlxalq ictimaiyyətin dəfələrlə müraciətlərinə, o cümlədən Venesiya Komissiyasının qanunvericiliyə xələl gətirməkdən çəkinməyi diktə edən ətraflı hüquqi arqumentlərinə baxmayaraq, yenə də, qəbul edilib.
Biz Gürcüstan hökumətini “xarici təsirin şəffaflığı qanununu” ləğv etməyə, qanuna qarşı çıxanlara qarşı hədə-qorxu kampaniyasına son qoymağa, ifadə, birləşmə və dinc toplaşma azadlığını qorumağa çağırırıq.
Vətəndaş cəmiyyəti hesabatlılığın, həqiqi şəffaflığın və zərərli təsirlərə qarşı dayanıqlılığın təmin edilməsinə kömək edən demokratiyanın dayağıdır.
Biz Gürcüstan hökumətini qanuna tabe olan dinc etirazçılara qarşı bütün növ gücdən istifadə aktlarını tam dayandırmağa və şəffaf şəkildə istintaq aparmağa, etirazçıların, vətəndaş cəmiyyətinin və ya müxalifət fəallarının, jurnalistlərin və digər media işçilərinin təhlükəsizliyini təmin etmək üçün müvafiq tədbirlər görməyə və ölkədə həddindən artıq qütbləşməyə səbəb ola biləcək ritorikadan çəkinməyə çağırırıq.
Vətəndaş cəmiyyəti liderlərinə və başqalarına qarşı təşkil edilmiş böhtan, hədə-qorxu və fiziki zorakılıq kampaniyası qəbuledilməzdir və dayandırılmalıdır”, - birgə bəyanatda deyilir.
Rus qanunu ilə bağlı Gürcüstan hakimiyyətinə aşağıdakı ölkələr müraciət edir:
- Albaniya
- Litva
- Avstriya
- Lüksemburq
- Belçika
- Malta
- Bolqarıstan
- Monako
- Kanada
- Monteneqro
- Xorvatiya
- Hollandiya
- Kipr
- Norveç
- Çexiya
- Polşa
- Danimarka
- Portuqaliya
- Estoniya
- Rumıniya
- Finlandiya
- Sloveniya
- Fransa
- İspaniya
- İsveç
- Almaniya
- Yunanıstan
- İsveçrə
- Ukrayna
- İslandiya
- İrlandiya
- Böyük Britaniya və Şimali İrlandiya Birləşmiş Krallığı
- İtaliya
- Amerika Birləşmiş Ştatları
- Latviya
- Lixtenşteyn
