De-fakto Abxaziya və Cənubi Osetiya respublikalarının nümayəndələri BMT tərəfindən həyata keçirilən qaçqınlarla bağlı məsələlərin müzakirəsində iştirak etməyi tələb edirlər. Bu barədə Cənubi Osetiyanın qondarma Xarici İşlər Nazirliyinin Baş Assambleyanın Abxaziya və Cxinvali vilayətindən olan qaçqınların və məcburi köçkünlərin statusu ilə bağlı qətnaməsinə cavab verdiyi bəyanatında deyilir
Əsas xəbərlər
İyunun 7-də qəbul edilən qətnamə Gürcüstanın Rusiya tərəfindən işğal olunmuş rayonlarında zorla həyata keçirilən demoqrafik dəyişikliklər pisləyir, məcburi köçkünlərin etnik mənsubiyyətindən asılı olmayaraq öz evlərinə ləyaqətlə və təhlükəsiz şəkildə qayıtmaq hüququ təsdiqləyir və mülkiyyət hüquqlarına hörmət və mühafizənin mütləqliyini vurğulayır. Gürcüstanın və 63 ölkənin təşəbbüsü ilə irəli sürülən qətnamə BMT-yə üzv olan 100 dövlət tərəfindən dəstəklənib.
Cənubi Osetiyanın de-fakto Xarici İşlər Nazirliyi etiraz edir ki, “Qətnamədə osetin əhalisinə qarşı etnik təmizləmə və osetinlərin soyqırımı haqqında heç nə deyilmir”.
“Demirlər ki, osetin qaçqınlarının sayı Cənubi Osetiyada yaşayan və Gürcüstan ordusunun işğalınadək Gürcüstana gedən etnik gürcülərdən bir neçə dəfə çoxdur. Gürcüstan ordusunun və müxtəlif gürcü birləşmələrinin döyüşçülərinin törətdiyi hərbi cinayətlər haqqında bir kəlmə belə yoxdur", - qondarma Xarici İşlər Nazirliyi bildirir.
De-fakto hökumət iddia edir ki, 2008-ci il müharibəsindən sonra qaçqınlar geri qayıtmağa başlayıb, lakin Gürcüstan hökuməti bu məsələni siyasiləşdirmək qərarına gəlib. Onların fikrincə, Gürcüstanın məqsədi Rusiyanı təcavüz və işğalçılıqda ittiham etməkdir.
“Osetin və Abxaz nümayəndələri dəfələrlə bəyan ediblər ki, Gürcüstanın qaçqın problemini siyasiləşdirməsi Cenevrə müzakirələri çərçivəsində bu məsələ ilə bağlı işlərin aparılmasına mane olur.
Gürcüstan qaçqınların və digər kateqoriyadan olan köçkünlərin vəziyyəti ilə bağlı məsələləri BMT Baş Assambleyası kimi mötəbər beynəlxalq qurumda müzakirə etməyə üstünlük versə də, Cənubi Osetiya və Abxaziya BMT-nin divarları çərçivəsində bu müzakirələrdə iştirak etmək hüququnu israrla tələb edirlər”, - qondarma Xarici İşlər Nazirliyinin bəyanatında deyilir.
2022-ci ilin sonunda Beynəlxalq Cinayət Məhkəməsi 2008-ci ildə Rusiya-Gürcüstan müharibəsi ilə bağlı təhqiqatın başa çatdığını elan etdi və Gürcüstan törədilən hər hansı qanun pozuntusunu istisna etdi. İstintaq nəticəsində 3 şübhəli barəsində məhkəmə tərəfindən həbs qətimkan tədbiri seçilib. Bunlar: general-leytenant Mixail Mindzayev - Cənubi Osetiyanın keçmiş de-fakto daxili işlər naziri, Hamlet Quçmazov - istintaq təcridxanasının keçmiş rəisi və Davit Sanakoyev - qondarma Prezidentin insan hüquqları məsələləri üzrə nümayəndəsi.
Prokuror Kərim Asadd Ağmad Xanın sözlərinə görə, həbs qərarı ilə bağlı verilən ittihamlar Rusiya tərəfindən həyata keçirilən işğal kontekstində etnik gürcü mülki əhalinin qanunsuz azadlıqdan məhrum edilməsi, işgəncə, qəddar rəftar görməsi, girov götürülməsi və sonradan qeyri-qanuni yerdəyişməsinə aiddir. Onun sözlərinə görə, cinayətlər, məsələn, gürcü kəndlərinin və gürcülərə məxsus evlərin kütləvi şəkildə talan edilməsi və dağıdılması, o cümlədən Cxinvali regionunun demək olar ki, bütün gürcü əhalisinə qayıtmaq hüququnun rədd edilməsi kimi cinayət əməllərinin daha geniş xarakterinə dəlalət edir. Beynəlxalq Cinayət Məhkəməsinin prokuroru əlavə edib ki, istintaq zamanı bu cinayətlərin törədilməsində Rusiya Silahlı Qüvvələrinin general-mayoru, hazırda dünyasını dəyişən Vyaçeslav Borisovun da rolu üzə çıxıb.
2008-ci ilin avqust müharibəsində gürcüstanın 228 mülki vətəndaşı və 14 polis əməkdaşı həlak olub. Müdafiə Nazirliyinin məlumatına görə, 169 hərbçi həlak olub, 1747 nəfər yaralanıb. 150 000 insan evlərini tərk edib, onlardan 30 000-i bu günədək qaçqın olaraq qalır. Müharibə nəticəsində Gürcüstan 189 kənd üzərində nəzarəti itirib, onadək Rusiya 125 yaşayış məntəqəsi işğal edib.
