Xüsusi İstintaq Xidməti 34 yaşlı İoseb Sirabidzeni “Milli Hərəkat”dan Acarıstan Ali Şurasının üzvü Giorgi Kirtadzeyə qarşı siyasi təqib və zorakılıq ittihamı ilə həbs edib. Cinayət cərimə və ya üç ilədək azadlıqdan məhrum etmə cəzasını nəzərdə tutur.
Əsas xəbərlər
Oxucunun seçimi
Giorgi Kirtadze 19 dekabr tarixində Batumidə “Formula” telekanalında canlı yayımda çıxış edərkən bir nəfərin hücumuna məruz qalıb.
“İstintaqla müəyyən edilib ki, 2022-ci il dekabrın 19-da Batumi şəhəri Vaxtanq Qorqasali küçəsi 127 ünvanının yaxınlığında təqsirləndirilən şəxs “Formula” telekanalının canlı yayımında Vahid Milli Hərəkat Partiyasının üzvü Giorgi Kirtadzeyə yaxınlaşıb və onun siyasi fəaliyyəti ilə bağlı narazılığını bildirib. Bundan sonra İoseb Sirabidze Giorgi Kirtadzeyə yumurta atmağa başlayıb, ona aqressiv şəkildə müraciət edib, onu sözlü təhqir edib. O, Giorgi Kirtadzenin üzünə əli ilə zərbə endirib. Saxlanılan şəxsə qanunla müəyyən edilmiş müddət ərzində ittiham irəli sürüləcək”, - Bu barədə Xüsusi İstintaq Xidmətinin xüsusilə mühüm işlər üzrə müstəntiqi Anzor Quruli bildirib.
Kirtadze hesab edir ki, ona qarşı hücum əvvəlcədən planlaşdırılıb və hadisənin arxasında hökumət, xüsusən də Dövlət Təhlükəsizlik Xidməti dayanır. “Bu bir adamın üzərində “çubuq sındıracaqlar” ki, guya o, mənə və ya “Milli Hərəkat”a qəzəblidir”. Bu dövlətin tam məsuliyyətsizliyi olacaq. Mən təşkilatçıların, bu pisliyi və nifrəti səpməklə məşğul olan insanların cəzalandırılmasını tələb edirəm”, - deyə Kirtadze bildirib.
İoseb Sirabidze Rusiyayönümlü “Mühafizəkarlar Hərəkatı/Alt-İnfo” partiyasının fəalıdır və Giorgi Kirtadze ilə küçədə mübahisə etməzdən əvvəl bu partiyanın ofisində olub. Ofisin rəhbəri Qoqi Kadidze hadisənin təşkil olunduğunu təkzib edir.
“Həmkarımız gördü ki, “Milli Hərəkat”ın nümayəndəsi bizim ofisin yaxınlığında, ofisimizin fonunda jurnalistlərə müsahibə verir. Maraqlandı və nə danışdığını anlamağa çalışdı. Yaxınlaşanda “Putinistlər”, “satqınlar” ifadələrini eşitdi və bunu şəxsi təhqir kimi qəbul etdi. Həmin şəxs bizim dəstəkçimiz olduğundan və ləyaqətimizi qoruduğumuz yerdə həmişə yanımızda olduğuna görə təbii ki, bunu şəxsi təhqir kimi qəbul etdi, ictimai məkanda siyasətçiyə yumurta atmaqla cavab verdi.
Polisi oxşar hadisələrin qarşısını almağa və ictimai təhlükəsizliyi qorumağa çağırırıq. Əgər buna nail ola bilməsələr, o zaman biz öz ofislərimizi, tərəfdarlarımızı və bu cür təxribatlara məruz qalan insanları müdafiə etmək məcburiyyətində qalacağıq”, - Qoqi Kadidze bildirib .
