Avropa Komissiyası iyunun sonunda Ukrayna, Moldova və Gürcüstanın statusu ilə bağlı şifahi hesabat təqdim edəcək. Bu barədə Azadlıq radiosunun Avropa xidmətinin redaktoru, jurnalist Rikard Yozviak məlumat verir.
Əsas xəbərlər
“Ukrayna, Moldova və Gürcüstanın Aİ-yə daxil olmaq yolunda necə irəlilədiyi ilə bağlı şifahi məlumat yəqin ki, iyunun sonunda, mənim təxminimə görə, 21 iyunda veriləcək. Bu, Ukrayna Radasına əsas qanunvericilik paketlərini qəbul etmək üçün kifayət qədər vaxt verəcək”, - Yozviak bu gün, mayın 26-da Tviterdə yazıb.
Gürcüstanda fəaliyyət göstərən səkkiz ictimai təşkilatın qiymətləndirməsinə görə, hazırda Gürcüstana namizəd statusunun verilməsi ilə bağlı Avropa Komissiyasının müəyyən etdiyi 12 tövsiyədən yalnız biri tam yerinə yetirilib, böyük ölçüdə iki şərt yerinə yetirilib, qismən – dörd, beşi isə hələ yerinə yetirilməlidir. Yerinə yetirilməmiş tövsiyələr depolarizasiya, məhkəmə müstəqilliyi, deoliqarxizasiya, media və vətəndaş cəmiyyətinin iştirakı ilə bağlıdır.
Gürcüstan Avropa İttifaqına üzv olmaq üçün müraciətini təqdim etməyi 2024-cü ildə planlaşdırırdısa da, 2022-ci il martın 3-də təqdim edib.
Rusiyanın işğalından sonra Ukrayna sürətləndirilmiş şəkildə Avropa Birliyinə qoşulmaq üçün müraciət edib və fevralın 28-də ərizə doldurduqdan sonra proses sürətlənib. Əlaqədar üçlüyün digər üzvləri – Gürcüstan və Moldova da eyni addımı nümunə götürüblər.
İyun ayında Avropa Şurası Ukrayna və Moldovaya üzvlüyə namizəd statusu verdi, Gürcüstana münasibətdə isə bu ölkənin Avropa perspektivini tanıdı. Avropa İttifaqı Gürcüstana 12 tövsiyəni/prioriteti yerinə yetirdikdən sonra namizəd ölkə statusunu verməyə hazırdır. Tövsiyələrin icrasına dair Avropa Komissiyasının rəyinə əsaslanan qərar 2023-cü ilin sonunda Avropa İttifaqı Şurası tərəfindən qəbul ediləcək və bunun üçün 27 üzv dövlətin razılığı tələb olunacaq. Bundan sonra tamhüquqlu üzvlük üçün rəsmi danışıqlar prosesi başlayacaq.
Namizəd statusuna malik Ukraynanın hakimiyyət orqanları üzvlük məsələsi ilə bağlı danışıqların başlaması ilə bağlı bütün Avropa İttifaqı ölkələri ilə işlədiklərini bildirir.
Bu mövzuda:
İlin sonuna qədər ölkənin namizəd statusu alması üçün biz səylərimizi əsirgəməyəcəyik – Qaribaşvili
