Gürcüstan hakimiyyəti tərəfindən tənqid edilən Avropa Komissiyasının Qonşuluq və Genişlənmə Danışıqları üzrə baş direktoru Xert Yan Kupman mayın 1-i və 2-də Tbilisidə olacaq.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Qanun dəyişdirilməsə, məsul şəxslərə və onların ailələrinə qarşı məhdudiyyətlər tətbiq olunacaq - O’Brayen
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Aİ nümayəndəsinin sözlərinə görə, Xert Yan Kupman Aİ ilə Gürcüstan arasında əməkdaşlıqdan, o cümlədən namizəd statusu ilə bağlı 9 addımın yerinə yetirilməsi üçün lazım olan işlərdən danışacaq.
Xert Yan Kupman prezident Salome Zurabişvili, baş nazir İrakli Kobaxidze, hökumət üzvləri, baş nazirin müavini, İqtisadiyyat və Davamlı İnkişaf naziri Levan Davitaşvili və xarici işlər naziri İlya Darçiaşvili ilə görüşəcək. O, həmçinin parlamentin sədri Şalva Papuaşvili, parlament partiyaları və vətəndaş cəmiyyətinin nümayəndələri və investisiya məsələləri üzrə tərəfdaşlarla görüşəcək.
Xert Yan Kopman, həmçinin, Gürcüstana suvarma şəbəkəsinin bərpasına kömək etmək, həmçinin bərpa olunan enerji istehsalı potensialına sərmayə yatırmaq və mikro, kiçik və orta müəssisələr üçün milli valyutada kreditlərin verilməsini təşviq etmək məqsədi daşıyan Aİ tərəfindən maliyyələşdirilən bir neçə layihəni izah edəcək.
Avropa Komissiyasının baş direktoru Ermənistan və Azərbaycana da səfər edəcək.
Təxminən iki ay əvvəl Gürcüstanın keçmiş ədliyyə naziri, Ukrayna baş prokurorunun müşaviri Zurab Adeişvilinin də iştirak etdiyi Brüsseldə keçirilən görüşə görə Gürcüstan hökuməti və hakim partiya liderləri Xert Yan Kupmanı tənqid edib.
“Siz Adeişvili ilə görüşəndə və onunla ədalətdən danışanda belə insanların Gürcüstana qarşı ədalətlə bağlı sözləri, şübhəsiz ki, artıq yetəri qədər inandırıcı gəlmir. Biz Avropa İttifaqının və ya digər ölkələrin tətbiq etdiyi sanksiyalara ciddi riayət edirik və onlardan yayınmamağı təmin edirik. Görünür, bəzi Avropa ölkələrində Gürcüstanın tətbiq etdiyi məhkəmə sanksiyalarına məhəl qoymurlar” deyən parlamentin sədri Şalva Papuaşvili Aİ səfirindən də izahat tələb edib.
Avropa İttifaqının Gürcüstandakı nümayəndəliyi bəyanat yayıb ki, Qonşuluq və Genişlənmə Danışıqları üzrə baş direktor Ukrayna nümayəndə heyətinin bir neçə üzvünün müşayiəti ilə Ukraynanın Baş prokuroru ilə görüşüb. “Bu görüşü başqa cür təqdim etmək dezinformasiyadır”, - deyən Aİ nümayəndəsi Aİ-yə qarşı yönəlmiş dezinformasiya ilə mübarizənin Gürcüstanın üzvlük danışıqlarını açmaq üçün atmalı olduğu 9 addımdan birincisi olduğuna diqqət çəkib.
