Yeni xəbərlər

"Bu adamlar hakimiyyətdə olanda nə etdiklərini xatırlayırıq, ümumiyyətlə, azad sözü boğurdular, indi müxalifətdən, “Facebook” klaviaturalarından birbaşa camaatı qorxudurlar ki, fikir bildirməsinlər. Bu qrupların arxasında xarici maliyyə dayanır. Onlar arasında bəzi partiyalardan danışanda bu, adi nifrət və hədə-qorxu kampaniyasıdır. Cəmiyyət bir daha görür ki, bu adamlara bir qram güc versək, cəmiyyəti [əvvəl] saldıqları terrora davam edəcəklər. Gürcü dəyərlərinə qarşı yönəlmiş təbliğatla qarşılaşdığımız zaman bütün Rustaveli vətəndaşlarının müdafiəsinə qalxmaq milli şərəf məsələsidir.

Gürcü xalqının nə istədiyini ölkə daxilində və xaricində hamıya göstərək. Gürcü xalqının istəyi hər sözdə ifadə olunur. Böyük-kiçik, qadın-kişi, məmur-iş adamı, hamı Rustavelidə olmalıdır ki, hamı gürcü xalqının səsini eşitsin", - Papuaşvili bildirib.

Dövlət xidmətlərində çalışan işçilər sosial şəbəkələrdə hakim partiyanın “Rus Qanunu”na dəstək üçün yaratdığı təbliğat materiallarını yayması tapşırıldığı kimi, “Gürcü Arzusu”nun planlaşdırdığı aksiyada da iştirak etməyə məcbur edilirlər.

Terjoli merinin nümayəndəsi Mamuka Qoqberaşvilinin yazışmalarının fotosurətləri "Facebook"da yayılıb, belə ki, Qoqberaşvili büdcə təşkilatlarının işçilərini mitinqə çıxarmaq üçün səfərbər edir.

"Bazar ertəsi, aprelin 29-da hamımız Tiflisə gedirik. Kiçik uşaqları olan analar istisnadır. Hamınız təsdiq edin. Əgər ailənizdən iki nəfər işləyirsə, qarşısı alınmaz bir vəziyyət varsa, mənə deyin və onlardan biri mütləq getməlidir. Qonşuluqda kimin [getməyə] marağı varsa, mənə xəbər versin, bu axşam tam siyahı olmalıdır".

Qoqberaşvili “Gürcüstan xəbərləri”nə bildirib ki, onun "Facebook"u sındırılıb.

Martvil sakrebulosunun sədri Levan Surmava bildirib ki, rus qanununu dəstəkləyənlər üçün 800 nəfərin Tiflisə gətirilməsi tapşırılıb.

Surmava hakim partiyanın regional idarələrinin nümayəndəsi olarsq “Mtavari Arxi”nin jurnalistinə müsahibə verib. Jurnalist Sakrebulo sədrindən siyahıları hazırlamağa başlayıb-başlamadıqlarını soruşub.

"Sabah tədbir olacaq, bələdiyyə sədri bunu bizə bildirmək üçün dedi və biz hələ [siyahıları tərtib etməyə] başlamamışıq. Əvvəlcə yığıncaq keçirməli, kəndin nümayəndələrini çağırmalıyıq. Bazar ertəsi olduğundan, tətillər müəyyən ediləsidir... Bizə 800 nəfər həvalə olundu... Mənimcə, əvvəl 800 nəfər götürmüşdük, yoxsa 700 olub, yadımda deyil... Azadlıq meydanında olanda iki dəfə çox hətta... problem yoxdur, təşkil edəcəyik. Dördüncü-beşinci günü adlar və soyadların siyahısı olacaq, avtomobil nömrələri, marşrutlarda kimin, necə və nə cür gedəcəyinə uyğun", - Surmava deyib.

"Bəli, partiya tapşırığıdır, bizim partiyanın bölmələrini təşkil etmək mənim şəxsi vəzifəmdir ki, kimsə mitinqə çıxmaq istəyirsə, onun mütəşəkkil şəkildə Tiflisə gəlməsi təmin edilsin.

Məzuniyyəti yazıb gedəcək. Kim hakimiyyətin milli siyasətini dəstəkləmək istəmirsə, bir nəfər də olsun mitinqə çıxmasın!", - Parlament çoxluğunun lideri Mamuka Mdinaradze deyib.

“Gürcü Arzusu” aprelin 29-da “xarici agentlər haqqında” rus qanununun ikinci oxunuşunu müzakirə edəcək. Müxalifət partiyaları - "Axali", "Qirçi daha çox Azadlıq", "Droa", "Vahid Milli Hərəkat", "Lelo" və "Strategiya Ağmaşenebeli" həmin gün səfərbər olmağı planlaşdırıblar, hansı ki, bunu aprelin 18-də elan etmişdilər.

“Gürcü Arzusu” aprelin 17-də rus qanununu birinci oxunuşda qəbul edib və bu qanun hökumətdən maliyyə cəhətdən müstəqil olan media və qeyri-hökumət təşkilatlarını “xarici agent” elan edir.

Avropa İttifaqı, ABŞ Dövlət Departamenti, Birləşmiş Millətlər Təşkilatı və beynəlxalq təşkilatlar Gürcüstan hakimiyyətini Avropa Birliyinin dəyərlərinə uyğun gəlməyən, medianın və mülki sektorun azadlığını və mövcudluğunu təhdid edən qanunu qəbul etməməyə çağırıb.