«Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար

«Երբ այս մարդիկ իշխանությունում էին, հիշում ենք, թե ինչ են արել, ընդհանրապես խեղդում էին խոսքի ազատությունը, հիմա ընդդիմությունից, «Ֆեյսբուքի» ստեղնաշարից ուղղակի վախեցնում են հանրությանը, որ իրենց կարծիքը չհայտնեն։ Այս խմբերի հետևում կանգնած է արտաքին ֆինանսավորումը: Այդ թվում, երբ խոսում ենք որոշ կուսակցությունների մասին, սա սովորական ատելության ու ահաբեկման քարոզարշավ է։ Հասարակությունը հերթական անգամ տեսնում է, որ եթե նույնիսկ մեկ գրամ իշխանություն տանք այս մարդկանց, նրանք կշարունակեն նույն տեռորը, ինչ տեռորի որ ենթարկում էին հասարակությանը։ Երբ մենք դիմակայում ենք վրացական արժեքների դեմ ուղղված քարոզչությանը, ազգային պատվի հարց է, որ բոլորը դուրս գան Ռուսթավելի։

Եկեք բոլորին՝ երկրի ներսում և դրսում ցույց տանք, թե ինչ է ուզում վրաց ժողովուրդը։ Վրաց ժողովրդի ցանկությունն արտահայտված է յուրաքանչյուր բառով։ Մեծ ու փոքր, կանայք և տղամարդիկ, պետական ​​ծառայողներ և գործարարներ, բոլորը պետք է լինեն Ռուսթավելիում, որպեսզի բոլորը լսեն վրաց ազգի ձայնը»,- ասել է Պապուաշվիլին։

Հանրային ծառայությունների աշխատակիցներին այնպես են պարտավորեցնում մասնակցել «Վրացական երազանքի» ծրագրած ակցիային, ինչպես նրանց հանձնարարվել է սոցցանցերում տարածել իշխող կուսակցության կողմից «ռուսական օրենքի» աջակցության համար ստեղծված քարոզչական նյութերը։

Ֆեյսբուքում տարածվել են Թերջոլայի քաղաքապետի ներկայացուցիչ Մամուկա Գոգբերաշվիլիի նամակագրության լուսապատճենները, որոնց համաձայն Գոգբերաշվիլին մոբիլիզացնում է բյուջետային կազմակերպությունների աշխատակիցներին՝ նրանց հանրահավաքի տանելու համար։

«Երկուշաբթի օրը՝ ապրիլի 29-ին, բոլորս գնում ենք Թբիլիսի։ Բացառություն կլինեն փոքր երեխաներ ունեցող մայրերը։ Հաստատեք ինձ բոլորդ: Եթե ​​ձեր ընտանիքից երկուսն են աշխատում, եթե կա հարգելի պատճառ, ասեք, և նրանցից մեկը անպայման պետք է գա։ Եթե ​հարևանությունում ինչ-որ մեկն ուզում է գալ, ասեք, այս երեկո ես պետք է ամբողջական ցուցակ ունենամ»։

Գոգբերաշվիլին «Վրաստանի լուրերին» հայտնել է, որ իր ֆեյսբուքը կոտրել են։

Մարտվիլիի սակրեբուլոյի նախագահ Լևան Սուրմավան ասել է, որ իրենց հանձնարարվել է ռուսական օրենքին սատարող 800 մարդ տեղափոխել Թբիլիսի։

Սուրմավայի հետ «Մթավարի արխիի» լրագրողը զրուցել է որպես իշխող կուսակցության տարածաշրջանային գրասենյակների ներկայացուցիչ։ Լրագրողը սակրեբուլոյի նախագահից հետաքրքրվել է, թե արդյո՞ք սկսել են ցուցակներ կազմել։

«Վաղը պետք է ժողով լինի, քաղաքապետն էլ ասաց, որ պետք է մեզ ասեն, մենք դեռ [ցուցակները պատրաստել] չենք սկսել... Նախ պետք է ժողով անենք, գյուղերի ներկայացուցիչներին կանչենք։ Քանի որ երկուշաբթի է, արձակուրդները պետք է որոշվեն... Մեզ 800 հոգի էին հանձնարարել... Կարծում եմ՝ առաջ 800 հոգի էինք տարել, չեմ հիշում՝ 700 էր... Երբ Ազատության հրապարակում էինք, երկու անգամ... Խնդիր չկա, կկազմակերպենք... Հինգշաբթի-ուրբաթ դուք կունենաք ցուցակը՝ ըստ անուն-ազգանունների ու մեքենաների համարների՝ ով, ինչպես և ինչ ձևով»,- ասել է Սուրմավան։

«Այո, դա կուսակցական հանձնարարություն է, իմ անձնական հանձնարարությունն է կազմակերպել մեր կուսակցական միավորների կողմից, որպեսզի եթե ինչ-որ մեկն ուզում է գնալ հանրահավաքի, ապահովվի, որ կազմակերպված գնան Թբիլիսի։

Նա արձակուրդ կգրի ու կգնա։ Ով չի ցանկանում աջակցել կառավարության ազգային քաղաքականությանը, մի հոգի էլ թող չգա հանրահավաքին»,- ասել է խորհրդարանական մեծամասնության ղեկավար Մամուկա Մդինարաձեն։

«Վրացական երազանքը», ամենայն հավանականությամբ, հենց ապրիլի 29-ին է պատրաստվում երկրորդ ընթերցմամբ քննարկել «օտարերկրյա գործակալների մասին» ռուսական օրենքը։ Ընդդիմադիր՝ «Ախալի», «Գիրչի - ավելի շատ ազատություն», «Դրոա», «Միացյալ ազգային շարժում», «Լելո» և «Ստրատեգիա Աղմաշենեբելի» կուսացկությունները ծրագրում էին մոբիլիզացվել այս օրվա համար, ինչի մասին հայտարարել էին դեռ ապրիլի 18-ին։

«Վրացական երազանքը» ապրիլի 17-ին առաջին ընթերցմամբ ընդունեց ռուսական օրենքը, որով «օտարերկրյա գործակալներ» են ճանաչվում կառավարությունից ֆինանսապես անկախ լրատվամիջոցները և հասարակական կազմակերպությունները։

Եվրամիությունը, ԱՄՆ Պետդեպարտամենտը, ՄԱԿ-ը և միջազգային կազմակերպությունները կոչ են արել Վրաստանի իշխանություններին չընդունել այնպիսի օրենք, որը չի համապատասխանում Եվրամիության արժեքներին և սպառնում է ԶԼՄ-ների և քաղաքացիական հասարակության ազատությանն ու գոյությանը։