Gürcüstanın ədliyyə naziri Rati Breqadze Mixeil Saakaşvili ilə bağlı növbədənkənar fövqaladə brifinq keçirib. Onun sözlərinə görə, əsas diqqəti Gürcüstana zərər vurmağa yönəlmiş radikallar yerli və beynəlxalq ictimaiyyəti çaşdırmaq cəhdlərini təzələyiblər.
Əsas xəbərlər
“Yalana əsaslanan hazırkı kampaniyanın məqsədi məhkumun azadlığını qanunsuz olaraq, o cümlədən dövlətin maraqlarına zərər vurmaq bahasına əldə etməsidir”, - Breqadze bildirib.
Ədliyyə nazirinin sözlərinə görə, məhkum Saakaşvili həkimlərin tövsiyələrinə tabe olmur və özünə zərər verməkdə davam edir.
“Məhkumun sağalmasında səmimi marağı olan insanları və məhkumun özünü həkimlərin tövsiyələrinə əməl etməyə, başlanğıcdaca boşa çıxan manipulyasiyalar əvəzinə, həkimlərin dediyi miqdarda və növdə qida qəbul etməyə çağırırıq”, - nazir bildirib.
“Heç bir sübut təqdim edilməyib və Gürcüstanda kiməsə işgəncə verildiyi deyiləndə, təbii ki, mən bütün bunlarla heç vaxt razılaşmayacağam. Əgər bu regionun istənilən yerində, xüsusən də cəzaçəkmə müəssisələrində insan hüquqları qorunursa, burada Gürcüstan mütləq liderdir. Əziz cəmiyyətimizin işgəncənin nə olduğu haqqında nə düşündüyünü görmək çox maraqlı olacaq. Bir insanın müalicəyə ehtiyacı var və ən yaxşı klinikalardan birindədir, ona qida təklif edirik, onu daima düzgün müalicə almağa, həkimlərdən qida almağa çağırırıq, budur işgəncə? Yoxsa, 2300 ziyarətçisinin olmasıdırmı işgəncə? Yoxsa dövlətinin səfirliyinin nümayəndələri mütəmadi olaraq ona baş çəkirlər? Əvvəllər də belə bir bəyanat olmuşdu və biz də buna oxşar reaksiya vermişdik. Təbii ki, kim olmasından asılı olmayaraq, hansı siyasi məmurun, hansı dövlətin nümayəndəsinin, fərqi yoxdur, bizim dövlətimizin öz ləyaqəti var, biz əminik ki, biz insan hüquqlarını tam şəkildə, o cümlədən cəzaçəkmə müəssisələrində çox yüksək səviyyədə qoruyuruq və biz heç kimdən bu cür bəyanatı qəbul edə bilmərik”, - Rati Breqadze bildirib.
Ədliyyə naziri qeyd edib ki, “sağlamlığın vəziyyəti televiziyada görünən görüntü ilə yox, müayinələrdən sonra həkimlər tərəfindən qiymətləndirir”.
Gürcüstanın həbsdə olan üçüncü prezidenti Mixeil Saakaşvili iştirak edib.
Eyni adlı 7 noyabr işi üzrə o, Tbilisi Şəhər Məhkəməsində davam edən iclasda “Vivamed” klinikasından, uzaqdan iştirak edib. Videogörüntülərdən onun səhhətinin ağır olduğu görünür.
Günün sonunda Ukrayna Prezidenti, Volodimir Zelenski Rusiyanın Ukrayna vətəndaşı Mixeil Saakaşvilini Gürcüstan hakimiyyətinin əli ilə öldürdüyünü bildirib və Xarici İşlər Nazirliyinə Gürcüstanın Ukraynadakı səfirini çağırmağı, sərt etirazını bildirməyi və ondan Tbilisidə məsləhətləşmələr üçün 48 saat ərzində Ukraynanı tərk etməsini xahiş etməyi tapşırıb.
“Biz dəfələrlə rəsmi Tbilisini bu təhqiri dayandırmağa və Saakaşvilinin Ukraynaya qayıtmasına razılıq verməyə çağırmışıq. Mən tərəfdaşlarımızı bu vəziyyəti həll etməyə, bu insanı gözdən salınmasına yol verməməyə və xilas etməyə çağırıram. Avropada heç bir hökumətin insanı ölümlə cəzalandırmaq hüququ yoxdur, yaşamaq əsas Avropa dəyəridir”, - Zelenski bildirib.
Saakaşvili 2021-ci il oktyabrın 1-də Tbilisidə yerli özünüidarə seçkilərindən bir gün əvvəl həbs edilib. O, parlament üzvü Valeri Qelaşvilinin döyülməsində və Sandro Qirqvlianinin qətlində təqsirli bilinən Konstitusiya Təhlükəsizliyi Departamentinin əməkdaşlarının əfv edilməsi işlərinə görə 6 il müddətinə azadlıqdan məhrum edilib. Saakaşvili həmçinin sərhədi qanunsuz keçmək, “İmedi” televiziya şirkətinə basqın etmək, noyabrın 7-də keçirilən etiraz aksiyası, Patarkatsişvilinin əmlakına qanunsuz sahiblik etmək və xüsusi dövlət mühafizə xidmətinə məxsus 9 24 367 larini mənimsəməkdə ittiham olunur. Üçüncü prezident təqsirini boynuna almır, siyasi təqiblərə məruz qaldığını və Putinin məhbusu olduğunu deyir.
