“Görüşdə səsləndirdiyimiz əsas tələblər qanunsuz saxlanılanların dərhal geri qaytarılması və günahkarların cəzalandırılmasıdır. İşğalçı rejimdən məlumat aldıq ki, Levan Dotiaşvili yaralı deyil və heç bir fiziki xəsarəti yoxdur”, - Bu barədə Dövlət Təhlükəsizlik Xidmətinin İnformasiya və Analitik Xidmətinin direktor müavini İrakli Antadze axşam saatlarında Erqnetidə keçirilən görüşdən sonra bildirib.

Noyabrın 6-da Qori bələdiyyəsinin Kirbal kəndində rus əsgərləri yerli sakin Tamaz Qinturini güllələyərək öldürüb, həmin kəndin sakini Levan Dotiaşvilini isə qaçıraraq Tsxinvaliyə aparıblar. 

Bu faktın, bildiyimizə görə, heç bir şahidi olmayıb. İşğalçı qüvvələr dinc əhaliyə atəş açıb. Harada baş verməsindən asılı olmayaraq bu qətldir. İşğal olunmuş ərazi Gürcüstan ərazisidir və Rusiyanın işğalçı qüvvələrinin hansı ərazidə qətl törətməsinin heç bir əhəmiyyəti yoxdur. “Qızıl şahid” var və bu gün işğal olunmuş ərazilərdə qanunsuz həbsdədir. Mən yalnız təsdiqlənmiş faktlarla danışa bilərəm. İş davam edir”, - İrakli Antadze bildirib.

Qətl zamanı Gürcüstan polis qüvvələri Kirbali ətrafında patrulluq edirdilərmi və Rusiya işğalçı qüvvələrinin nümayəndələri atəş açarkən hüquq-mühafizə orqanlarının əməkdaşları harada idilər - sualına DTX nümayəndəsi belə cavab verib:

“Polis qüvvələri patrulluq edirdi, lakin işğalçı rejimin bizə dediyinə görə, hadisə kilsənin yaxınlığında baş verib. Bu, rus işğalçı qüvvələrinin yerli əhalinin məbədə gəlib dua etməsinə həmişəlik mane olduğu ərazidir. Kilsə, təəssüf ki, işğal olunmuş ərazidə yerləşir. Onlar bunun kilsənin yaxınlığında baş verdiyini desələr də, dəqiq yerini müəyyən edə bilməyiblər. Müvafiq olaraq sabah və sonrakı günlərdə bütün təfərrüatları müəyyən etmək üçün bu məsələ ilə bağlı işlər davam etdiriləcək”.

Jurnalistlər Dövlət Təhlükəsizliyi Xidmətinin İnformasiya-analitik şöbəsinin müdir müavinindən soruşublar ki, doğrudurmu, atışmadan sonra Rusiya hərbçiləri təcili tibbi yardım briqadası ora gələnə qədər gürcü hüquq-mühafizə orqanlarının əməkdaşlarına yaralılara kömək etməyə icazə verməyiblər?

“İşğalçı qüvvələr tərəfindən “qaynar xətt” işə salınmışdı və bunun vasitəsilə bizə bildirmişdilər ki, hadisə yerində təcili tibbi yardım briqadası var. Briqada hadisə yerində idi, ancaq adam öldürülmüşdü. Məlumatın alınması, təcili yardımın gəlməsi, bunlar təxminən 30-40 dəqiqə ərzində baş vermişdi. Hadisə yerinə polis getdi, daha sonra təcili yardım qrupu keçdi ki, kömək etsinlər”, - Antadze qeyd edib.

Onun sözlərinə görə, bu, Rusiya işğalçı qüvvələri tərəfindən vətəndaşlarımızın öldürülməsi ilə bağlı ilk hadisə deyil - “Bu qətllə bağlı mərkəzi hökumətin mövqeyi barışmazdır. Baş verənlərə heç bir insani bəraət qazandırıla bilməz. Biz beynəlxalq tərəfdaşlarımızla əlaqə saxlayırıq. İndi qeyri-qanuni saxlanılan vətəndaşın ailəsinə qaytarılması üçün cavab gözləyirik”.

Tamaz Qinturini öldürən şəxsin kimliyinin müəyyən edilib-edilməməsinə gəlincə, DTX nümayəndəsinin sözlərinə görə, görüşdə bu sual verilib, lakin Rusiya işğalçı qüvvələrinin nümayəndələri məlumat açıqlamayıblar. “Sadəcə olaraq dedilər ki, araşdırma aparılır. Biz onların cəzalandırılmasını və təhvil verilməsini tələb etdik, lakin Rusiya işğalçı qüvvələrinin cavabı aydındır. Oradan gələn tək cavab budur ki, “araşdırma aparırlar və günahkarlar cəzalandırılacaq”, 

Rusiya tərəfindən işğal olunmuş Tsxinvali rayonunun Təhlükəsizlik Xidməti Kirbali kəndində Tamaz Qinturun qətli ilə bağlı açıqlama yayıb:

Onları həbs etmək istəyən zaman onlar sərhədçilərə müqavimət göstərib və bu da sərhədçilərin həyat və sağlamlığı üçün təhlükə yaradıb. Sərhədi pozanlar baltadan istifadə ediblər. Daha sonra onlar avtomobillə sərhədçini vurmağa, daha sonra Gürcüstana keçməyə cəhd ediblər. Bu qanunsuz hərəkətlərin və Cənubi Osetiya Respublikasının dövlət sərhədinin qanunsuz keçməsinin qarşısını almaq üçün sərhədçilər havaya xəbərdarlıq atəşi açıblar və qanunu pozanlar qanuni tələblərə əməl etmədikdən sonra [sərhədçilər] avtomobillərin təkərlərinə atəş açıblar. “Sərhədi” pozanlardan biri ağır yaralanıb və təcili tibbi yardım üçün Gürcüstan tərəfinə verilib, digəri isə həbs edilib”.

Gürcüstan xəbərləri
Gürcüstan xəbərləri
müstəqil, ictimai-siyasi onlayn nəşrdir. Vebsayt İnformasiya Resursları Şəbəkəsi (IRN) tərəfindən idarə olunur