“Biz birlikdə qalib gəldik, deyə bilərik ki, ölkəmizin daxili və xarici düşmənlərini birlikdə məğlub etdik. O qarşı duranlar ki, ölkəmizə namizəd statusu verilməsi üçün mübarizə aparırdılar. Biz, həmçinin əsas sınaqdan - müharibədən və bəladan yayındıq. Biz sülhü qoruduq, xalqımızı, ölkəmizi qoruduq. Biz ölkəmizin suverenliyini və müstəqilliyini möhkəmləndirdik”, - Baş nazir İrakli Ğaribaşvili Gürcüstana Aİ-yə namizəd statusunun verilməsi ilə bağlı keçirilən mərasimdə deyib.
Əsas xəbərlər
Ğaribaşvilinin sözlərinə görə, 14 dekabr və bu gün Gürcüstan tarixinə qürurlu və şərəfli gürcü xalqının layiqli qələbəsi və bayram günü kimi daxil olacaq.
“Bu gündən Gürcüstan Avropa ölkəsinə çevrilib! Biz hökumət və xalq layiqincə Avropa İttifaqına namizəd statusunu qazandıq. Biz bu qələbəyə layiq idik.
Biz gürcü xalqı, sizin adınızla vətənimiz, xalqımız üçün çalışmışıq, mübarizə aparmışıq. Bu qələbəni birlikdə qazandıq. Bəli, dostlar, biz tək ayaq üstə durmadıq, diz çökmədik, amma möhkəm dayandıq və bu qələbəni ləyaqətlə qazandıq.
Sizə demək istəyirəm ki, bu yol, şübhəsiz ki, asan olmayıb. Biz bu yolda çox sınaqlardan keçdik, çox çətinliklərlə üzləşdik, lakin, bir daha təkrar edirəm, biz bu yolu qətiyyətlə, şərəflə keçdik və bu günə gəldik”, - İrakli Ğaribaşvili bildirib.
Baş nazir Gürcüstanın avropalı və amerikalı dostlarına, Aİ səfirinə və bu “ədalətli və tarixi qərarı” dəstəkləyən hər kəsə təşəkkür edib.
“İndi bizi böyük qələbə gözləyir. Biz daha böyük qələbəyə hazırlaşmalıyıq. Tanrının izni ilə, biz ölkəni birləşdirə bilməliyik və hər bir gürcünün və bu torpaqda yaşayan hər bir vətəndaşın vahid, güclü Avropa dövlətində yaşamaq kimi əsas arzusunu həyata keçirməliyik”, - Ğaribaşvili bildirib.
Gürcüstana Aİ üzvlüyünə namizəd ölkə statusunun verilməsi ilə əlaqədar Tbilisinin Azadlıq meydanında şənlik tədbiri keçirilib. Orada iştirak etmək üçün səhər saatlarından paytaxta rayonlardan dövlət qulluqçuları gətirilib. “Gürcü Arzusu” ilə qarşıdurmaya baxmayaraq, tədbirə prezident Salome Zurabişvili də gəlib.
Dekabrın 14-də Avropa Şurası Gürcüstana 9 şərtlə Aİ üzvlüyünə namizəd ölkə statusu verib. Gürcüstanın Avropa yolunda irəliləyişləri gələn il qiymətləndiriləcək. Gürcüstan Ukrayna və Moldovadan geridə qalır. Onlarla bağlı Avropa Şurası artıq üzvlüklə əlaqədar danışıqlara başlamaq qərarına gəlib.
