Rusyönümlü, zorakılıq tərəfdarı “Mühafizəkarlar Hərəkatı/Alt İnfo” partiyasını dəstəkləyən bloqer Beka Vardosanidze terrorla bağlı yalan bildiriş işinə görə dindirildiyi Dövlət Təhlükəsizlik Xidmətinin binasını 11 saatdan sonra tərk edib.
Əsas xəbərlər
Oxucunun seçimi
- 1 Hakim Qoridə saxlanlan fəalın işi üzrə bütün istintaq hərəkətlərini qanunsuz hesab edib
- 2 Parlamentin plenar iclasına kvorum olmadığı üçün başlanıla bilməyib
- 3 Qanuna tabe olmasalar, cərimələr, müsadirələr olacaq və işləyə bilməyəcəklər - Kaladze
- 4 Tələbə hərəkatının lideri Niko Manaqadzeyə TDU yaxınlığında hücum olunub
- 5 “Gürcü Legionu”nun komandiri Mamuka Mamulaşvili zəhərləndiyini bildirib
- 6 İyul ayından müəllimlərin maaşları artacaq
Vardosanidze təhdid ehtiva edən bildiriş göndərdiyini inkar edir. Onun sözlərinə görə, bildirişin mətni “Google Translate” vasitəsilə xarici dildən tərcümə edilib.
“Siz mənim ideoloji baxımdan ölkədə baş verən hadisələrə münasibətimi yaxşı bilirsiniz və siyasi fəaliyyətinə görə müəyyən imtiyazları – qrantlar və sairələri itirənlər çox ola bilər; Bu onları acılamış ola bilər. Mənimlə əlaqəli olan və illərdir şirkətlərlə ünsiyyətdə olduğum iş elektron poçtumdan belə mesajlar göndərmək və bütün ölkəni ayağa qaldırmaq üçün dəli olmalıyam. Bir az gülməli oldu, amma gizlədəsi heç nəyim yoxdur - açdım, yazışmaları müstəntiqə göstərdim. Mən skrinşotları gördüm və skrinşotlara əsasən [e-poçtu] açdım ki, bu yazılar göndərilib ya yox. Mətnlər “Google Translate” vasitəsilə, heç istifadə etmədiyim sözlərlə yazılıb. Sadəcə olaraq internet bizə əziyyət verdi, çünki sürət pis idi və buna görə də vaxtımız uzandı”, – Beka Vardosanidze bildirib.
“Facebook”da 83 mindən çox izləyicisi olan Vardosanidze deyir ki, istintaq çərçivəsində avadanlıqlar tamamilə müsadirə olunub və o, hələlik yayıma davam edə bilməyəcək.
Yanvarın 31-də, səhər saatlarında antiterror mərkəzi məhkəmənin qərarı əsasında Cinayət Məcəlləsinin 331-ci maddəsi ilə aparılan istintaq çərçivəsində Beka Vardosanidzenin Tbilisidəki mənzilində və qarajında axtarış aparıb. DTX-nın məlumatına görə, müəyyən müddət ərzində Beka Vardosanidzenin istifadə etdiyi elektron poçtdan partlayışların həyata keçirilməsi ilə bağlı müxtəlif qurumlara terror məzmunlu təhdidləri ehtiva edən bildirişlərin göndərildiyi müəyyən edilib. İş materiallarına əsasən, terror məzmunlu təhdid ehtiva edən mesaj Təhlükəsizlik Xidmətinin, Daxili İşlər Nazirliyinin Tiflis Polis İdarəsinin, həmçinin “İmedi” televiziya şirkətinin rəsmi elektron poçtuna göndərilib.
“Mətndə bildirilib ki, “Basiani” klubunda, “Ratis Bari” barında və Rustaveli prospektində davam edən Yeni il tədbiri çərçivəsində yerləşdirilən səhnədə, eləcə də eləcə də ətraf ərazilərdə və müxtəlif yerlərdə və nəqliyyat vasitələrində quraşdırılıb”, - DTX bildirib.
“İmedi” teleşirkəti bir neçə həftə əvvəl Beka Vardosanidzenin adından onlara göndərilən mesajı ictimailəşdirib: “Mən, Beka Vardosanidze, sizin televiziya maşınlarınız, Avropa İttifaqı və *** kimi artıq Azadlıq meydanını minalamışam. *** bu gecə insanlara Pankisi yaraqlılarından başqa heç bir şey qalmayacaq, polis zarafat hesab etdiyimizi sanıb tələblərimizə məhəl qoymur, ədalət bərpa olunsun və Qərbyönlü media düşsün ******!”. Televiziyadan verilən məlumata görə, onlar bu bildirişi alan kimi aidiyyəti qurumlarla əlaqə saxlayıb və bütün istintaq hərəkətlərində iştirak ediblər.
