İrakli Kobaxidze bildirir ki, Rusiya prezidenti Vladimir Putinin Gürcüstan vətəndaşları üçün viza rejimini ləğv etmək qərarı “Gürcü Arzusu”nun praqmatik siyasətinin ifadəsidir.
Əsas xəbərlər
Hakim partiyanın sədri Putinin anti-Qərb kursuna görə Gürcüstan hökumətini mükafatlandırdığı və həvəsləndirdiyi barədə rəqiblərinin qiymətləndirməsini məntiqsiz adlandırır.
“Əslində reallıq ondan ibarətdir ki, biz praqmatik siyasət aparırıq və bu siyasətin ifadəsi vətəndaşlarımızın xeyrinə verilən qərardır. Burada, nəticədə, ilk növbədə faydalanan kimdir? - Bu bizim vətəndaşımızdır ki, bu gün Rusiya ilə Gürcüstan arasında dolama yollarla, üçqat xərclə getməli olur. Rusiya Federasiyasında bir milyona yaxın gürcü yaşayır, onların arasında çoxlu vətəndaşlar da var. Niyə üç dəfə çox pul verməlidirlər? Niyə başqa ölkələrdən keçməlisən ki, bu da, o cümlədən onların əlaqəsinə mane olur.
Konstitusiyamızda yazılıb ki, diasporun Gürcüstanla əlaqəsini dəstəkləyəməliyik. Bəli, ərazilər Rusiya Federasiyası tərəfindən işğal olunub, lakin orada bizim diasporumuz, bir milyona qədər insan yaşayır və biz Konstitusiya ilə bu insanların öz vətənləri ilə əlaqəsinin saxlanmasının qayğısına qalmağa borcluyuq.
İndi bizə deyirlər ki, bu insanlara biletin qiymətini 3 dəfə baha qoyaq, onların Gürcüstanla əlaqəsinə, qayıtmasına, ailələri ilə, ölkə ilə tez-tez ünsiyyətinə mane olaq. Bu niyə edilməlidir? Yəni niyə öz vətəndaşlarımıza cəza, sanksiya tətbiq etməliyik? Bu, tamamilə anlaşılmazdır”, - Kobaxidze “İmedi” telekanalının efirində deyib.
“Gürcü Arzusu”nun sədri bir daha qeyd edib ki, Gürcüstan Rusiyaya qarşı sanksiyalar tətbiq etməyəcək. Onun sözlərinə görə, sanksiya Gürcüstan prezidentinin tələbi ilə 3 aylıq viza rejiminin tətbiqi də olacaqdı.
“Bu da bir növ sanksiyadır. Bundan əlavə, prezident namizəd statusunun alınmasına qarşı çıxan kampaniyayadək cəlb olunmuşdu. Xüsusilə parlamentin divarlarında etdiyi çıxışı xatırlayırsınız. Praktiki olaraq o, bu kampaniyanı davam etdirdi. O, artıq uçuşların bərpasını, Rusiya tərəfindən vətəndaşlara qarşı sanksiyaların ləğvini Avropaya inteqrasiya ilə əlaqələndirib ki, bu da tamamilə absurddur. Bununla da o, bir daha radikal müxalifətin yaratdığı, mahiyyətcə, namizəd statusuna qarşı olan kampaniyaya cəlb olundu. Təbii ki, bu bəyanatlarda heç bir məntiq yoxdur”, - deyə İrakli Kobaxidze bildirib.
Mayın 15-dən Gürcüstan vətəndaşları Rusiya ərazisinə vizasız gedə biləcəklər. 2000-ci ildən qüvvədə olan birtərəfli viza rejimi Putinin fərmanı ilə ləğv edilib. Bundan əlavə, Rusiya ilə Gürcüstan arasında 2019-cu ilin iyul ayından dayandırılan birbaşa hava əlaqəsi bərpa olunacaq. Putinin bu qərarını hakim partiyanın nümayəndələri təqdir edib, prezident Salome Zurabişvili isə bunu növbəti təxribat adlandırıb. Zurabişvili Rusiya ilə 3 aylıq vizaların təsis edilməsi məsələsini müzakirə etməsi üçün hökumətə müraciət edib.
