“Gürcüstan tarixinin hər bir əsas hissəsində inkişaf yolunu, azadlıq yolunu, demokratiya yolunu seçir və bu, Avropa yoludur. Avropa dəyərləri hər şeydən əvvəl gürcü dəyərləridir və buna görə də bizim üçün Avropaya doğru irəliləmək bu qədər asandır. İrəliləməyi qeyd etdim, amma bu gün bu yol donub. Bu hökumət bizim bu yolumuzu dondurdu, konstitusiyadan yayındı və bununla da öz seçicilərini inkar etdi”, - prezident Salome Zurabişvili “Avropanı Seç” adlı yeni vətəndaş hərəkatının təsis tədbirində deyib.
Əsas xəbərlər
Oxucunun seçimi
- 1 Əliyev və həyat yoldaşı Putini şam yeməyində qonaq ediblər
- 2 Məhkəmə MSK-nın mübahisələndirilən qərarını qüvvədə saxlayıb
- 3 Samnidze və etnik azərbaycanlı fəalların bir hissəsi “Dəyişiklik Koalisiyası”na qoşulublar
- 4 İlon Musk Ramzan Kadırova “Tesla Cybertruck” verdiyini inkar edir
- 5 Hökumət Ədliyyə Evi üçün “Arzu” donorundan illik 704 880 lariyə yer icarəyə götürüb
- 6 Zelenski Kursk vilayətində əməliyyatın əsas vəzifəsi kimi “bufer zonasının yaradılmasını” hallandırıb
Zurabişvilinin sözlərinə görə, o, əvvəlcə “Gürcü Arzusu”nu başa gətirildiyi, sonra isə prezidentliyə namizəd olduğu kampaniyanın bir hissəsi olub. Prezident bildirib ki, bütün bu kampaniyalar ölkənin xarici kursunun, inkişafının Avropa dövləti quruculuğuna yönəlməsi üzərində qurulmuşdu.
“Bu yoldan üz döndərib, bizi dondurdular. Bu gün NATO sammitində baş verənlər, müdafiə qüvvələrimizə yardımın kəsilməsi ilə bağlı verilən bəyanatlar bu ölkə üçün çox ciddi təhlükədir.
Çox az vaxt qalıb - 100 gün. 100 gün azdır, lakin cəmiyyətin öz sözünü deməsi üçün həm də çoxdur. Bu gün bizdə adi seçki olmayacaq, bu bir növ seçki kampaniyası deyil, əks halda mən prezident kimi burada olmazdım. Bu, ölkənin taleyinin seçimidir, gələcəyimizin seçimidir, həqiqətən referendumdur və bu referendumda gürcü cəmiyyəti bir tərəfdə, bizim gələcəyimizi qəsb edən hökumət o biri tərəfdədir. Biz bununla razılaşa bilmərik. Burada birləşmək lazımdır, bütün partiyaların imzaladığı və ya imzalamayıb, razılaşdıqlarını dedikləri nizamnaməni həyata keçirmək lazımdır.
Seçkidən sonra nizamnamədə yazılanları həyata keçirmək üçün çox az vaxt olacaq. Bu donmuş vəziyyətdən çıxmaq, tərəfdaşlarımıza qayıtmaq və onları yenidən yolda olduğumuza və bu gün yarı bağlı olan bütün qapıları yenidən açmalı olduqlarına inandırmaq üçün çox az vaxtımız var. Bu, bizim üçün qaçılmaz bir vəzifədir. Bizim başqa yolumuz, başqa alternativimiz yoxdur. Bizim çoxuq, biz çox həmrəyik və Gürcüstan qalib gələcək”, - Zurabişvili bildirib.
“Avropanı Seç” təşkilatının əsası təhlükəsizlik üzrə mütəxəssis Xatuna Laqazidze, siyasi analitik, Tbilisi Dövlət Universitetinin professoru Lela Cecelava, Avropa siyasəti üzrə mütəxəssis Qiorqi Ruxadze, biznesmen İva Çkonia və Gürcüstan Universitetinin professoru, doktor Laşa Dzebişvili tərəfindən qoyulub. Vətəndaş hərəkatı iyulun 18-dən oktyabrın 26-dək 100 günlük fasiləsiz “Avropa Marafonu” keçirməyi planlaşdırır, bu marafonun çərçivəsində gürcü əhalisini qarşıdan gələn seçkilərin əhəmiyyəti barədə məlumatlandıracaq və emmiqrantların konsulluq qeydiyyatına alınmasına kömək edəcək.
