Aİ-nin Xarici İşlər və Təhlükəsizlik Siyasəti üzrə Ali Nümayəndəsi Cozef Borelin sözlərinə görə, Gürcüstan hökuməti ölkəni Avropa İttifaqından uzaqlaşdırır.
Əsas xəbərlər
Oxucunun seçimi
- 1 Silahlı qrup “Milli Hərəkat”ın mərkəzi ofisinə basqın edib
- 2 Hakim Qoridə saxlanlan fəalın işi üzrə bütün istintaq hərəkətlərini qanunsuz hesab edib
- 3 Parlamentin plenar iclasına kvorum olmadığı üçün başlanıla bilməyib
- 4 Tələbə hərəkatının lideri Niko Manaqadzeyə TDU yaxınlığında hücum olunub
- 5 “Gürcü Legionu”nun komandiri Mamuka Mamulaşvili zəhərləndiyini bildirib
- 6 Qanuna tabe olmasalar, cərimələr, müsadirələr olacaq və işləyə bilməyəcəklər - Kaladze
“Üst-üstə ikinci dəfə Gürcüstanda baş verən narahatedici siyasi hadisələri, o cümlədən “xarici təsirin şəffaflığı” haqqında qanunun qəbulunu müzakirə edəcəyik. Biz rəsmi aktorlar tərəfindən Avropa İttifaqı və onun dəyərləri haqqında geniş miqyasda yayılan dezinformasiyalardan narahatlığımızı ifadə edirik. Ən yüksək səviyyədə bu qanunun ölkəni Avropa İttifaqına yaxınlaşdırdığını gözlənilməz şəkildə bəyan edən gürcülərin səsini eşitdik. Mən aydınlaşdırmaq istəyirəm - xeyr, xeyr. Bu qanun və onun ətrafında baş verən bütün neqativ hadisələr Gürcüstanı Avropa İttifaqından uzaqlaşdırır. Daha aydın, daha yığcam ola bilməz - bu, Gürcüstanı Avropa İttifaqından uzaqlaşdırır. Bu bəyanatı 27 üzvdən 26-sı dəstəkləyir. Yekdillik yoxdur, amma vəziyyətə siyasi qiymət vermək üçün yekdilliyə ehtiyacımız yoxdur.
Biz başa düşürük ki, bu dinamika Gürcüstan əhalisinin böyük əksəriyyətinin iradəsinə ziddir və [xarici işlər] nazirlərinin böyük əksəriyyəti açıq şəkildə bildirirlər ki, Gürcüstan hökuməti ölkəni Avropa İttifaqından uzaqlaşdırır və əgər hökumət hərəkət kursunu dəyişməsə, Gürcüstan Avropa İttifaqına gedən yolda irəli gedə bilməyəcək. Mən bunu daha yüksək səslə deyə bilərəm, amma bunda daha aydın yox. Hökumət hərəkət kursunu dəyişməsə, Gürcüstan Avropa İttifaqı yolunda gedə bilməyəcək.
Eyni zamanda, vətəndaş cəmiyyətinə və mediaya dəstəyimizi artıracağıq. Biz dezinformasiyaya qarşı çıxacağıq və seçki prosesinə dəstəyi artıracağıq”, - deyə Borel xarici işlər nazirlərinin görüşündən sonra keçirilən mətbuat konfransında bildirib.
Onun sözlərinə görə, Aİ-yə üzv ölkələrin xarici işlər nazirləri Gürcüstandakı vəziyyəti müşahidə etməkdə davam edəcək və lazım gəldikdə tədbirlər görəcəklər.
“Biz Gürcüstanla siyasi təmaslarımızı və münasibətlərimizi azaldacağıq. Biz hökumətə maliyyə yardımımızı dayandırmağı və Avropa Sülh Mexanizmi dəstəyimizi nəzərdən keçirəcəyik.
Bunu dərhal etmək olar, lakin vəziyyəti öyrənməyə davam edəcəyik və daha da pisləşəcəyi təqdirdə tədbirlər görəcəyik”, - deyən Borel, Gürcüstan xalqının yanında olduqlarını, Avropanın gələcəyi lehinə edilən seçimləri dəstəklədiklərini vurğulayıb.
Gürcüstanın baş naziri İrakli Kobaxidze iddia edir ki, rus qanununun qəbulundan sonra Avropa İttifaqına üzvlük üzrə danışıqlara başlamaq şansı 20-30% artıb. Kobaxidze iyunun 17-də jurnalistlərə deyib ki, “qanun qəbul olunmazdan əvvəl danışıqlara başlamaq şansı sıfır idi”.
