Danimarka Gürcüstanla dörd illik hərbi əməkdaşlığı dayandırıb və hökumətə dəstəyini tam nəzərdən keçirəcək. Bu barədə parlamentin Müdafiə və Təhlükəsizlik Komitəsinin sədr müavini, deputat Teona Akubardianın Danimarka Xarici İşlər Nazirliyindən əldə etdiyi məktubda deyilir.
Əsas xəbərlər
Məktubda bildirilir ki, Danimarka və Gürcüstan 2023-cü ildə ümumi büdcəsi təxminən 71,5 milyon Danimarka kronu (28 milyon laridən çox) olan dörd illik hərbi əməkdaşlığa başlayıblar.
“Aİ Şurası 2024-cü ilin iyununda Gürcüstan hökumətinə birbaşa maliyyə yardımını, o cümlədən Avropa Sülh Fondu çərçivəsində ödənişləri dayandırmaq barədə qərar qəbul etdikdən sonra Danimarka Gürcüstan hökumətinə ikitərəfli yardım və dəstəyimizi tam nəzərdən keçirməyə qərar verdi.
Nəzərdən keçirilmə davam edərkən, Danimarka planlaşdırılan fəaliyyətləri və Gürcüstan hakimiyyətinə yeni proqram dəstəyini dayandıracaq. Danimarka Gürcüstan hökumətini Avro-Atlantik yola qayıtmağa və Danimarka və Gürcüstan arasında güclü ikitərəfli əlaqələrin əsasını təşkil edən Aİ-nin islahat gündəliyinə əməl etməyə çağırır”, - məktubda deyilir.
Teona Akubardianın dediyi kimi, “Gürcü Arzusu” ölkənin suverenliyini və müdafiə qabiliyyətini necə çətin vəziyyətə saldığını xalqdan gizlədir. Deputatın sözlərinə görə, ölkə rus qanununu qəbul etməklə “Gürcüstan Konstitusiyasının 78-ci maddəsi ilə təminat verilən xarici siyasət prioriteti olan Aİ və NATO-ya üzvlük qapılarını bağlamaqla yanaşı, Konstitusiyanın 70-ci maddəsində də bəhs edilən müdafiə qabiliyyətində də əhəmiyyətli dərəcədə zərər gördü.
“Birləşmiş Ştatlar Gürcüstanla strateji tərəfdaşlığı nəzərdən keçirdi və “Layiqli Tərəfdaş” çoxmillətli hərbi təlimini ləğv etdi. Bunun ardınca Avropa Sülh Fondundan 30 milyon avronun Avropa İttifaqı tərəfindən dondurulması, eləcə də Fransa və Almaniyanın Gürcüstanla münasibətlərin nəzərdən keçirilməsi barədə bəyanatı baş dərc olundu. Nəticədə ordumuz həm reputasiya, həm də maddi cəhətdən xeyli zərər çəkdi”, - deyə Akubardia bildirib.
Teona Akubaria Danimarkanın hərbi yardımın dayandırması barədə məluatı təxminən bir ay əvvəl yaymışdı və bu gün bunu Danimarka Xarici İşlər Nazirliyindən aldığı məktubla təsdiqləyib.
“Gürcü Arzusu”nun deputatı İrakli Zarkua Danimarka yardımını dəyərdən salmağa çalışıb. “Nə 71 milyon, ay xalq? Bizim dövlət [müdafiə] büdcəmizin bir milyarddan çox vəsaiti var. İndi baş nazirin qərarı ilə daha 100 milyon əlavə etmişik. Nə, kim... kim sabotaj edəcək, Danimarka ya başqa biri. Qoy bu, onların vicdanına qalsın, gürcü oğlanları, döyüşçülərimiz bütün beynəlxalq missiyalarda iştirak edirdilər”, - deyə Zarkua bildirib.
