“Qirçi”nin lideri və parlament üzvü İaqo Xviçia partiyanın ofisində fiziki təzyiqə məruz qalıb. Bunu xəstəxanadan çıxandan sonra onun özü deyib. Deputatın burnu zədələnib.
Əsas xəbərlər
“Bütün bunlara “Gürcü Arzusu”nun və patriarxatın çirkin təbliğatı səbəb olur. Bir vaxtlar qardaşını “İncil Azadlığı”nın köməyi ilə əsgərlikdən qurtardığımız adam idarəyə gəldi. Sonra həmin qardaş Amerikaya getdi. İndi o biri qardaş Ata Şalva və qardaşlarının təbliğatına görə qərara gəlib ki, biz onun qardaşını Şeytanla bölüşmüşük və bunun üçün ofisə gəlib. O, əməkdaşları təhqir etdi, mən də müdaxilə etdim və əlini çəkəndə mənə dəydi”, - Xviçia jurnalistlərə bildirib.
Deputat deyir ki, o, istintaqla əməkdaşlıq etmək fikrində deyil və hücum edənin “öhdəsindən” özü qalacaq.
“Biz məhkəməyə etibar etmədiyimiz üçün bilirəm ki, bu iş sonda məhkəmədən gedəcək və mənim şikayətimin hansısa Murusidzenin məhkəməsi tərəfindən mühakimə olunmasını istəmirəm”, - Xviçiia deyib.
Faktla bağlı Daxili İşlər Nazirliyində istintaq Cinayət Məcəlləsinin ehtiyatsızlıqdan sağlamlığa az ağır və ya ağır zərər vurma-124-cü maddə ilə başlayıb. Cinayət cərimə və ya iki ilədək müddətə islah işləri ilə cəzalandırılır.
2017-ci ildə “Qirçi” partiyası 18-27 yaş arası gənclərin bir illik məcburi hərbi xidmətdən azad edilməsinə köməklik göstərən “Gürcüstanın Xristian, Evangelist, Protestant Kilsəsi – İncil Azadlığı” dini təşkilatını təsis edib. Bu məqsədlə təşkilat çağırışçılara keşiş şəhadətnaməsi verir və mövcud qanunvericilik istənilən məzhəbdən olan keşişləri hərbi xidmətdən azad edir. Qiyməti 50 lari olan “İncil Azadlığı” sertifikatından on minlərlə gənc yararlanıb. 2025-ci ildən Gürcüstanın yeni Müdafiə Məcəlləsi qüvvəyə minəcək və keşişlər alternativ xidmət keçməli olacaqlar.
