Rusiyanın hakim partiyasının üzvü, Dövlət Dumasının MDB məsələləri üzrə komitəsinin sədr müavini Artem Turov bildirib ki, gürcü parlament üzvləri “xarici agentlər” haqqında qanunu imzalamaqla Amerika Birləşmiş Ştatları və Avropa İttifaqının “hədələrinə” baxmayaraq, öz mövqelərini müdafiə edə biliblər.
Əsas xəbərlər
Oxucunun seçimi
- 1 Hakim Qoridə saxlanlan fəalın işi üzrə bütün istintaq hərəkətlərini qanunsuz hesab edib
- 2 Parlamentin plenar iclasına kvorum olmadığı üçün başlanıla bilməyib
- 3 Qanuna tabe olmasalar, cərimələr, müsadirələr olacaq və işləyə bilməyəcəklər - Kaladze
- 4 Tələbə hərəkatının lideri Niko Manaqadzeyə TDU yaxınlığında hücum olunub
- 5 “Gürcü Legionu”nun komandiri Mamuka Mamulaşvili zəhərləndiyini bildirib
- 6 İyul ayından müəllimlərin maaşları artacaq
“Gürcüstan hökuməti öz suverenliyini möhkəmləndirmək üçün mühüm addım atıb ki, ona kənardan təsirlər olmasın, ölkə Qərb ölkələrindən olan bir sıra siyasətçilərin istədiyi kimi deyil, məhz gürcü xalqının istədiyi kimi inkişaf etsin.
Qanun qəbul edilən kimi reaksiyanı, avropalı siyasətçilərin, Amerika Birləşmiş Ştatlarının təhdidlərini, o cümlədən sanksiya hədəsini və iqtisadi təzyiqləri gördük, lakin yəqin ki, gürcü parlament üzvlərini bu mövqedə qaldıqlarına və seçimi ölkələrinin sonraki inkişafı üçün etdiklərinə görə təbrik etməliyik”, - Turov Rusiya mətbuatına bildirib.
Duma deputatının sözlərinə görə, qərbpərəst kimi yox, gürcüyönlü siyasətçilər kimi çıxış edən Gürcüstan parlamentinin üzvləri tərifə layiqdirlər.
“Biz bilirik ki, Gürcüstanda nə qədər qeyri-hökumət təşkilatı işləyir - bir neçə on minlərlə, onlar ilk növbədə, əlbəttə ki, Qərbdən, müxtəlif Qərb fondlarından maliyyələşirlər və digər şeylərlə yanaşı, onlar qərarların qəbul edilməsinə və ictimai rəyin formalaşmasına çox fəal təsir göstərirlər”, - Turov qeyd edib.
“Xarici agentlər” haqqında rus qanunu Gürcüstan parlamentinin sədri Şalva Papuaşvilinin imzası ilə qüvvəyə minib.
Qanuna görə, gəlirlərinin 20%-dən çoxunu beynəlxalq təşkilatlardan aldığı qrantlardan əldə edən bütün qeyri-hökumət təşkilatları və medialar xarici dövlətin maraqlarını daşıyan təşkilat kimi qeydiyyatdan keçməlidir. Belə təşkilatlar avqust ayında dövlət qeydiyyatı orqanına ərizə ilə müraciət etməli və xarici dövlətin maraqlarını daşıyan təşkilat kimi qeydiyyatdan keçməyi tələb etməlidir.
Qeydiyyatdan yayınmaq və ya müəyyən edilmiş müddətdə maliyyə bəyannaməsini təqdim etməmək 25.000 lari məbləğində cərimə ilə nəticələnir. Qanun Ədliyyə Nazirliyinin tələblərinin yerinə yetirilməməsinə görə əlavə olaraq 10.000 və 20.000 lari cərimə də nəzərdə tutur.
Bundan əlavə, Ədliyyə Nazirliyi tələb olunan məlumatları təqdim etmədiyinə görə bütün şəxsləri (fiziki şəxslər də daxil olmaqla) 5000 lari məbləğində cərimələmək hüququna malikdir. Ədliyyə Nazirliyi fiziki şəxslərdən şəxsi məlumatları, kommersiya, peşəkar və məxfi məlumatları tələb edə bilər.
Yüzdən çox ictimai təşkilat və onlayn nəşriyyat “agent” reyestrində qeydiyyatdan keçməyəcəklərini bəyan edib. Bəzi təşkilatlar rus qanunlarını Gürcüstanın konstitusiya və insan haqları üzrə Avropa məhkəmələrinə şikayət etməyi planlaşdırır.
