Dövlət Təhlükəsizliyi Xidməti rəhbərinin keçmiş birinci müavini İoseb Qoqaşviliyə qarşı əlavə olaraq dövlət sirrini qəsdən yayma və şəxsi həyatın toxunulmazlığını pozma maddələri ilə ittiham irəli sürülüb.
Əsas xəbərlər
Prokurorluğun məlumatına görə, həbsdən sonra aparılan istintaq tədbirləri çərçivəsində İoseb Qoqaşvilinin Dövlət Təhlükəsizlik Xidmətindən qanunsuz götürdüyü məxfi məlumatların bir hissəsini başqa şəxsə verdiyi, bununla da dövlət sirrini qəsdən yaydığı müəyyən edilib. İstintaq onu da müəyyən edib ki, Qoqaşvili qanunsuz olaraq bir çox insanın şəxsi həyatının sirlərini əks etdirən videomateriallar əldə edib və bu materialları qanunsuz olaraq elektron cihazlarında saxlayıb.
Vəkil Ramaz Çinçaladze “Gürcüstan xəbərləri”nə bildirib ki, o, konkret detallar barədə danışa bilməz, çünki işdə şəxsi və məxfi məlumatlar var. Onun sözlərinə görə, Qoqaşvili ittihamları qəbul edir.
“2022-ci il iyulun 16-da İoseb Qoqaşvili həbs olunanda həm silahlar, həm də informasiya daşıyıcıları - noutbuklar, fleş kardlar və sərt disklər. O, ehtimal edirdi ki, bu əsasla ittihamlar irəli sürüləcək”, – Çinçaladze deyib.
İoseb Qoqaşviliyə qarşı 4 ildən 7 ilə qədər azadlıqdan məhrumetməni nəzərdə tutan 5 maddə üzrə ittiham irəli sürülüb.
İoseb Qoqaşvili 2015-2018-ci illərdə Dövlət Təhlükəsizlik Xidməti rəisinin birinci müavini vəzifəsində çalışıb. DTX əməkdaşları onu 16 iyul 2022-ci ildə həbs ediblər. İ. Qoqaşvili barəsində həbs-qətimkan tədbiri seçilib.
Prokurorluğun məlumatına görə, vəzifədə olarkən, Qoqaşvili tutduğu vəzifədən asılı olaraq dövlət sirrini ehtiva edən məlumatlara, həmçinin şəxsi məlumatlara çıxışa malik olub. Vəzifə səlahiyyətlərini aşaraq onları şəxsi məqsədləri üçün qeyri-qanuni olaraq vəzifəsindən çıxarıb və yaşayış yerində saxlayıb. Prokurorluğun məlumatına görə, məlumatların bir hissəsi - şəxsi məlumatlar Qoqaşvilinin iştirakı ilə ictimai məkanda yayılıb, “bu isə ciddi ziyan yaradıb”. Bundan əlavə, prokurorluq Qoqaşvilini ittiham edir ki, o, qanunsuz olaraq 2 ədəd qeydiyyatı olmayan odlu silah və döyüş sursatı, o cümlədən 3 ədəd qohumunun adına rəsmiləşdirilmiş odlu silah və döyüş sursatı əldə edib və saxlayıb. Qoqaşvilinin işinin materialları gizli saxlanılır.
Qoqaşvili həbsindən sonra Bidzina İvanişvilini, daxili işlər naziri Vaxtanq Qomelaurini və digər şəxsləri, öz ifadəsinə görə, bir sıra ağır cinayətlərdə ifşa edib - Tbilisidən azərbaycanlı jurnalist Əfqan Muxtarlının oğurlanması, seçkilərin saxtalaşdırılması, Rusiya xüsusi xidmət orqanları ilə əməkdaşlıq, hakimlərə təzyiq, kütləvi qanunsuz izləmə və s. Daxili işlər naziri bütün ittihamları inkar edib.
