Oktyabrın 3-də Ermənistan parlamenti Haaqa Məhkəməsi kimi tanınan Beynəlxalq Cinayət Məhkəməsini təsis edən “Roma Statutu”nu ratifikasiya edib. Hakim “Vətəndaş Müqaviləsi” partiyasının 60 deputatı qərarı dəstəkləyib, 22-si isə əleyhinə çıxıb. Sənəd Ermənistan prezidenti Vaqan Xaçatryan tərəfindən imzalandıqdan sonra nəhayət ratifikasiya olunmuş hesab ediləcək.
Əsas xəbərlər
Ratifikasiyadan əvvəl Rusiya Xarici İşlər Nazirliyi Ermənistan hakimiyyətinə xəbərdarlıq edib ki, bu qərar Rusiya ilə Ermənistan arasında münasibətlərdə son dərəcə mənfi nəticələrə səbəb olacaq.
Məlum olduğu kimi, 2023-cü il martın 17-də Haaqa Beynəlxalq Cinayət Məhkəməsi Rusiya Federasiyasının prezidenti Vladimir Putinin, eləcə də prezidentin uşaq hüquqları üzrə müvəkkili Mariya Lvova-Belovanın həbsinə orderlər verib. Onların hər ikisi hərbi cinayətlərdə, daha doğrusu, uşaqların Ukraynanın işğal olunmuş ərazilərindən qanunsuz deportasiyasında ittiham olunurlar.
Əgər Vladimir Putin Roma imzalayan ölkələrin hər hansı birinə gələrsə, o, həbs edilməlidir.
Ermənistanın baş naziri Nikol Paşinyanın sözlərinə görə, “Roma Əsasnaməsi”nin ratifikasiyası Rusiyaya qarşı yönəlmiş hərəkət deyil. Onun izahatına görə, Ermənistan Respublikası xüsusilə 2022-ci ilin sentyabr hadisələri və digər epizodlarla bağlı Azərbaycanın üzərinə məsuliyyət qoymaq üçün Beynəlxalq Cinayət Məhkəməsinə müraciət etmək niyyətindədir.
Rusiya prezidentinin mətbuat katibi Dmitri Peskov Ermənistan parlamentinin “Roma Əsasnaməsi”nin ratifikasiyasını “Ermənistanın hazırkı rəhbərliyinə qarşı əlavə suallar doğuran” yanlış qərar adlandırıb.
Peskovun sözlərinə görə, Rusiya istəmir ki, Vladimir Putin nə vaxtsa Ermənistana səfərdən imtina etməli olsun.
