Ermənistan Rusiya Federal Təhlükəsizlik Xidmətinin sərhədçilərinin Zvartnots Beynəlxalq Hava Limanında fəaliyyətinə xitam verilməsi ilə bağlı Rusiyaya rəsmi məktub göndərib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
- 6 Qanun dəyişdirilməsə, məsul şəxslərə və onların ailələrinə qarşı məhdudiyyətlər tətbiq olunacaq - O’Brayen
“Ermənistanın bu məsələdə dəqiq mövqeyi var. Biz məlumat vermişdik ki, Zvartnots Hava Limanında xidmətlər Ermənistanın sərhəd qoşunları tərəfindən həyata keçirilməlidir”, - deyə Təhlükəsizlik Şurasının katibi Armen Qriqoryan bildirib.
Niyə belə bir zərurət yaranıb sualına Qriqoryan cavab verib ki, müstəqillik dövründə Ermənistan müxtəlif istiqamətlərdə potensial qazanır və hazırda hava limanına tam nəzarət etmək potensialına malikdir.
Rusiya Federal Təhlükəsizlik Xidmətinin Ermənistandakı sərhəd bölməsinə 4 sərhəd dəstəsi - Gümrü, Armavir, Artaşat və Meğriş, eləcə də İrəvanın Zvartnots Beynəlxalq Hava Limanında ayrıca buraxılış məntəqəsi daxildir. Rusiya sərhədçilərinin Ermənistanda olmasının əsası 1992-ci ildə imzalanmış dövlətlərarası müqavilədir.
Bir neçə gün əvvəl Ermənistan parlamentinin sədri Alen Simonyan da bu məsələyə münasibət bildirib. Onun sözlərinə görə, rus sərhədçilərinin hava limanını tərk etməsi “düzgün olardı”. “Ölkəmizin sərhədlərini özümüz qoruyacağıq və onların bunu qoruyacağına əmin deyiləm", - Simonyan qeyd edib. Bu bəyanatı Rusiya Xarici İşlər Nazirliyinin rəsmi nümayəndəsi Mariya Zaxarova “qeyri-dost davranış” nümunəsi adlandırıb.
Fevralın sonunda Ermənistanın baş naziri Nikol Paşinyan “France 24” telekanalına müsahibəsində ölkəsinin Kollektiv Təhlükəsizlik Müqaviləsi Təşkilatına (KTMT) üzvlüyünün faktiki olaraq dondurulduğunu bəyan edib. Paşinyan 2021-2022-ci illərdə Ermənistanla Azərbaycan arasında münaqişələr zamanı təşkilatın Ermənistana münasibətdə “təhlükəsizlik öhdəliklərini yerinə yetirmədiyini” misal gətirib. Eyni zamanda, Nikol Paşinyan Rusiyanın Ermənistandakı hərbi bazasının bağlanması məsələsinin “gündəmdə olmadığını” bildirib.
