Gürcüstanın baş naziri İrakli Ğaribaşvili Türkiyə prezidenti Rəcəb Tayyib Ərdoğanı seçkilərin birinci turunun uğurla keçməsi, birinci turda əldə edilən uğur və hakim partiyanın parlament seçkilərində səslərin çoxluğunu toplaması münasibətilə təbrik edib.
Əsas xəbərlər
Gürcüstanın hökumət administrasiyasının məlumatına görə, İrakli Ğaribaşvili Türkiyə prezidenti ilə telefonla danışıb və ona ikinci turda uğurlar arzulayıb.
“Baş nazir Türkiyə-Gürcüstan strateji tərəfdaşlığının gücləndirilməsində, həmçinin Türkiyə və Gürcüstanın birgə iştirak etdiyi, beynəlxalq layihələri dəstəkləməklə regionun davamlı və sabit inkişafında Prezident Ərdoğanın şəxsi rolunu vurğulayıb”, - administrasiyanın bəyanatında deyilir.
Türkiyədə mayın 14-də keçirilən prezident seçkilərində üçüncü müddətə prezident olmaq istəyən Rəcəb Tayyib Ərdoğan seçicilərin 49,51%-nin səsini toplayıb və birinci turda qalib gəlmək üçün lazım olan 50%-lik baryeri aşa bilməyib. Mayın 28-də seçkilərin ikinci turu keçiriləcək. Hazırkı prezidentin rəqibi isə ilk turda seçicilərin 44,88%-nin səsini qazanan Birləşmiş Müxalifətin namizədi Kamal Kılıçdaroğludur.
Ölkədə prezident seçkiləri ilə yanaşı, parlament seçkiləri də keçirilib. Mərkəzi Seçki Komissiyasının ilkin nəticələrinə görə, Ərdoğanın “Ədalət və İnkişaf Partiyası”nın rəhbərlik etdiyi “Cümhuriyyət Alyansı” 49% səs toplayıb ki, bu da 600 deputatdan ibarət qanunverici orqanda təxminən 322 mandat deməkdir. Kılıçdaroğlunun “Xalq Cümhuriyyət Partiyası” ətrafında birləşən, 35 faiz səs toplayan “Xalq Alyansı” ikinci yeri tutur və təxminən 212 mandat əldə edəcək.
Gürcüstanda açılan seçki məntəqələrində Türkiyə müxalifəti prezident və parlament seçkilərində qalib gəlib.
