Gürcüstan və Yunanıstan milli komandaları arasında bu günə planlaşdırılan futbol oyunu ilə əlaqədar Tbilisidə metro və bəzi avtobus marşrutlarının iş vaxtı uzadılacaq.
Əsas xəbərlər
Tbilisi meriyasının məlumatına görə, metro fəaliyyətini martın 27-i saat 00:00-da deyil, saat 02:00-da fəaliyyətini dayandıracaq və necə ki, “Dinamo Arena”ya, eləcə də Birinci Respublika Meydanına gələn azarkeşlərə xidmət göstərəcək.
26 mart saat 22:00-dan 27 mart 02:00-a qədər aşağıdakı avtobuslar hərəkət edəcək: N301; N306; N308; N310; N311; N314; N315; N320; N326; N327; N331; N337; N342; N345; N352; N358; N359; N364; N378; N381; N384; N386; N388; N391; N397.
Futbol üzrə Gürcüstan yığması bu gün “Avro-2024”ün seçmə mərhələsinin final oyununda Yunanıstan yığması ilə qarşılaşacaq. Qarşılaşma “Dinamo Arena”da saat 21:00-da başlayacaq. Oyun üçün bütün biletlər satılıb. Oyunla paralel olaraq Tbilisinin Birinci Respublika meydanında futbolsevərlər üçün böyük ekran quraşdırılacaq.
Bugünkü oyun müstəqil Gürcüstan futbolu tarixində ən mühüm oyunlardan biridir. Martın 21-də yarımfinalda milli komanda Lüksemburq yığmasını 2:0 hesabı ilə məğlub edib, bu gün qalib gələn komanda isə Almaniyada keçiriləcək Avropa çempionatının final mərhələsində oynayacaq.
