საქართველოს და საბერძნეთის ეროვნულ ნაკრებებს შორის დღეს დაგეგმილი საფეხბურთო მატჩის გამო, თბილისში მეტროსა და ავტობუსების გარკვეული მარშრუტების მუშაობის დრო გახანგრძლივდება.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
თბილისის მერიის ინფორმაციით, მეტრო მუშაობას 00:00-ის ნაცვლად, 27 მარტის 02:00 საათზე დაასრულებს და როგორც „დინამო არენაზე“, ისე პირველი რესპუბლიკის მოედანზე მისულ გულშემატკივრებს მოემსახურება.
26 მარტის 22:00 საათიდან 27 მარტის 02:00 საათამდე იმოძრავებენ შემდეგი ავტობუსები: N301; N306; N308; N310; N311; N314; N315; N320; N326; N327; N331; N337; N342; N345; N352; N358; N359; N364; N378; N381; N384; N386; N388; N391; N397.
საქართველოს ეროვნული საფეხბურთო ნაკრები „ევრო 2024“-ის საკვალიფიკაციო ეტაპის ფინალურ შეხვედრაში დღეს საბერძნეთის ეროვნულ ნაკრებს დაუპირისპირდება. მატჩი „დინამო არენაზე“ 21:00 საათზე დაიწყება. თამაშზე დასასწრები ყველა ბილეთი გაყიდულია. მატჩის პარალელურად, თბილისში, პირველი რესპუბლიკის მოედანზე ფეხბურთის გულშემატკივრებისთვის დიდი ეკრანი განთავსდება.
დღევანდელი თამაში დამოუკიდებელი ქართული ფეხბურთის ისტორიაში ერთ-ერთი ყველაზე მნიშვნელოვანია. 21 მარტს, ნახევარფინალში ეროვნულმა ნაკრებმა ლუქსემბურგის ნაკრები 2:0 დაამარცხა, დღეს გამარჯვებული გუნდი კი გერმანიაში, ევროპის ჩემპიონატის ფინალურ ეტაპზე ითამაშებს.
