Gürcüstandan avtomobil katalizatorunun ixracı üç il müddətinə qadağan ediləcək. Bu barədə ətraf mühitin mühafizəsi və kənd təsərrüfatı naziri Otar Şamuqiya məlumat verib.
Əsas xəbərlər
Nazirin sözlərinə görə, hökumətin müvafiq qərarı yaxın günlərdə imzalanacaq və dərhal qüvvəyə minəcək.
“Təəssüflər olsun ki, ölkədə katalizatorların avtomobillərdən çıxarılması və sonra ixracı üçün satılması praktikası var. Katalizatorlar müəyyən qiymətli metalları ehtiva edir, buna görə də onlar kifayət qədər yüksək dəyərə malikdirlər və buna görə də bu əməliyyatı həyata keçirirlər. Nəticədə katalizatoru olmayan avtomobillərin havanı çirkləndirmə səviyyəsi daha yüksək olduğundan ətraf mühitə ziyan dəyir.
Nazirlik tərəfindən hazırlanıb hökumətə təqdim edilən, nəhayət, bu məsələləri tənzimləyəcək “İstifadə müddətini başa vurmuş avtonəqliyyat vasitələrinin tullantılarının idarə olunmasına dair Əsasnamə”nin qəbuluna qədər biz üç il müddətinə ölkədən katalizatorların ixracını məhdudlaşdırmaq, qadağan etmək barədə qərar qəbul etmişik”, - Şamuqia hökumətin iclası başa çatdıqdan sonra bildirib.
Bundan əlavə, havanın keyfiyyətini yaxşılaşdırmaq üçün hökumət 2024-cü il yanvarın 1-dən 2013-cü ilə qədər istehsal olunmuş yüngül avtomobillərin ölkəyə idxalını qadağan edəcək. 2025-ci il yanvarın 1-dən bu qadağa avtobus və yük maşınlarına da şamil olunacaq.
