Amerika Birləşmiş Ştatlarının Nümayəndələr Palatasının üzvləri – Helsinki Komissiyasının sədri, respublikaçı Co Vilson və komissiyanın üzvü, demokrat Stiv Koen Gürcüstan hakimiyyətini “xarici agentlər” haqqında rus tipli qanun layihəsindən imtina etməyə çağırıblar. Onlar qeyd edib ki, Gürcüstan dağıdıcı yoldan dönməli və liberal demokratik trayektoriyaya qayıtmalıdır.
Əsas xəbərlər
Oxucunun seçimi
- 1 Bu qanun nə Avropa, nə də Amerika qanunudur - Aİ səfiri rus qanunu barədə
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 BMT Gürcüstanı rus qanunu geri götürməyə çağırır
- 4 Bidzina İvanişvilinin anti-qərb mesajları
- 5 Siz [reaksiyamızı] gözləyə bilərsiniz - Dövlət Departamenti rus qanunu haqda
- 6 Böyük Britaniya da “Gürcü Arzusu” rus qanununu tənqid edir
“Gürcüstan hökumətinin öz xalqının iradəsinə, ABŞ və Avropa İttifaqı ilə münasibətlərinə belə həyasızcasına hücum etməsi insanı dəhşətə gətirir”, - bu barədə konqresmenlərin bəyanatında deyilir.
Onlar qeyd edirlər ki, ABŞ Gürcüstanın sadiq dostudur, ona təhlükəsizlik, siyasi və milyardlarla dollar maliyyə yardımı göstərir.
“Rusiya isə əksinə, ancaq bədbəxtlik, dağıntı və hərbi işğal gətirdi. FARA (Xarici Agentlərin Qeydiyyatı Aktı) və ya digər Qərbin xarici təsirə nəzarət mexanizmləri ilə müqayisələr Kremlin köhnəlmiş tezislərini təkrarlayan qəsidli dezinformasiyadır.
ABŞ gürcü xalqının demokratik və Avro-Atlantik istəklərinin dostu olaraq qalır. Biz bu prinsipləri dəstəkləməyə davam edəcəyik”, - Vilson və Kohen deyirlər.
Bir il əvvəl minlərlə nəfərlik etiraz nəticəsində geri götürülən və bir daha qəbul etməyəcəyi sözünü verən “Gürcü Arzusu” 2024-cü il aprelin 3-də “xarici agentlər” haqqında rus qanununu parlamentdə növbəti dəfə irəli sürüb. “Rus qanunu” beynəlxalq təşkilatların qrant dəstəyi ilə işləyən və hökumət və ya əlaqəli qruplar tərəfindən idarə oluna bilməyən müstəqil media və qeyri-hökumət təşkilatlarını xarici agent kimi qeydiyyatdan keçməyə məcbur edir.
Avropa İttifaqı, ABŞ Dövlət Departamenti, Birləşmiş Millətlər Təşkilatı və beynəlxalq təşkilatlar Gürcüstan hakimiyyətini Avropa Birliyinin dəyərlərinə uyğun gəlməyən, medianın və mülki sektorun azadlığına və mövcudluğuna təhdid yaradan qanunu qəbul etməməyə çağırıb.
Rus qanununa qarşı etirazlar aprelin 15-dən Tbilisidə, parlamentin yaxınlığında keçirilir. Bunun əksinə olaraq, “Gürcü Arzusu” aprelin 29-da parlament binası qarşısında rus qanununa dəstək məqsədilə “ictimai toplantı” keçirir. Dövlət xidmətlərində çalışanlar aksiyada iştirak etməyə məcbur edilirlər.
