İyunun 18, 22 və 26-da Avro-2024-də futbol üzrə Gürcüstan milli komandasına dəstək olmaq üçün 3000-ə yaxın azarkeş Gürcüstan hökumətinin təşkil etdiyi xüsusi çarter reyslərindən yararlanaraq, güzəştli qiymətə aviabilet ala biləcək. Tək tərəfli aviabiletin qiyməti 195 avro təşkil edəcək. Müvafiq olaraq, gediş-qayıdış bileti 390 avroya başa gələcək.
Əsas xəbərlər
Oxucunun seçimi
- 1 Əliyev və həyat yoldaşı Putini şam yeməyində qonaq ediblər
- 2 Rusiyanın BMT-dəki nümayəndəsi “Gürcü Arzusu”nun avqust müharibəsi ilə bağlı bəyanatını təkrarlayıb
- 3 Şahin və Terner: Düzgün yola qayıtmaq üçün ilk addımı Gürcüstan hökuməti atmalıdır
- 4 Kobaxidze 22 seçki dairəsi üzrə “Gürcü Arzusu”nun nümayəndə heyətinə namizədlərin adını açıqlayıb
- 5 Məhkəmə MSK-nın mübahisələndirilən qərarını qüvvədə saxlayıb
- 6 Ukrayna Rusiyanın 1000 kvadrat kilometr ərazisinə nəzarət etdiyini bildirir
Həftə sonunda sudsidiya olunmuş aviabiletlərin satışına başlanılacaq. Aviabileti futbol matçına bileti olan Gürcüstan vətəndaşları ala biləcəklər.
“İyunun 18, 22, 26-da Gürcüstan millisinin müvafiq yarımqrupda oyunları keçiriləcək və bu matçlara mümkün qədər çox gürcü azarkeşin gəlməsi çox vacibdir. Bunun üçün isə səyahəti daha ucuz və asanlaşdırmaq vacibdir. Müvafiq olaraq tədbir gördük. Subsidiyalı çarter reysləri planlaşdırılıb, hə çinin müntəzəm reysləri də subsidiyalaşdırırıq. Bu uçuşlar matç tarixlərinə uyğunlaşdırılacaq.
Birbaşa uçuşlar Almaniyanın Dortmund, Hamburq, Köln və Düsseldorf şəhərlərinə həyata keçiriləcək. Ümumilikdə 3000 azarkeşin sudsidiya olunmuş biletləri əldə etmək imkanı olacaq. Tbilisi Beynəlxalq Hava Limanından 2000-ə yaxın, Kutaisi Beynəlxalq Hava Limanından isə 1000-ə yaxın azarkeş birbaşa reyslə təmin olunacaq.
Subsidiya ilə bir tərəfli reysin qiyməti 195 avro olacaq, müvafiq olaraq iki tərəfli rüysin qiyməti 390 avro təşkil edəcək. Azarkeş səyahət cədvəlini özü qura biləcək, 1, 2 və ya 3 matçda iştirak edə biləcək. Bu biletləri futbol matçına biletləri olan Gürcüstan vətəndaşları ala biləcəklər. Aviabiletləri alarkən müvafiq matç bileti təqdim edilməlidir. Biz həftənin sonuna kimi biletləri müvafiq elektron platformada satışa çıxaracağıq”, - deyə İrakli Kobaxidze hökumətin bugünkü iclasında bildirib.
Tbilisi və Kutaisi beynəlxalq hava limanlarından çarter reysləri “Georgian Wings” (Tbilisi), “Georgian Airways” (Tbilisi), “Wizz Air” (Kutaisi) və “Gasa” şirkəti (Tbilisi) ilə əməkdaşlıq çərçivəsində həyata keçiriləcək.
